هل دمعي على خدي نهـار الـوداع =يوم قالوا فمـان الله جانـي بـلاي
ألتفت والتحظني با لعيون الوسـاع =وأرسل الدمعة اللي زاد منها عنـاي
خايفٍ من فـراقٍ مـاوراه اجتمـاع =يالله اليوم لاتقطـع رجـاه ورجـاي
صرت مثل الغرير اللي بسن الرضاع =اتضيّم واصيح صياح من غير راي
راحت أقدام رجلي في محلـي ذراع =مقدر المشي قدامي ولاارجـع وراي
المصيبة اذا أن الحب والعرف ضاع =ثم زادت جروحي من خلاي بخـلاي
مبغي السر من بيني وبينـه يـذاع =يضرَب الوصل دايم في غلاه وغلاي
الهوى له يذل القلب لوهـو شجـاع =مثل ماردني ترف القدم عن هـواي
جعل من لاع قلبي في فراقـه يـلاع =حيث وصله هوى بالي وغاية مناي
أتصبـر ولا ودي يطـول النـزاع =واكضم الغيض بسبابه وهذا جـزاي