ماكني اعرفه ولاكني ابغيه=وانا عليه من امه احب واجرى
ياكثرها تسليمةٍ يوم الاقيه=لي عين تكتب له وله عين تقرى
وان حل طاريه تجاهلت طاريه=ماكني ادري عنه وانا به ادرى
بسكات يغليني وانا حيل مغليه=لاتيليفون ولامواعيد غدرى
يصون ودي عن عذوله واحاميه=واناعليه احجى من القلب واذرى
حبٌ عفيفٍ والصراحه سواقيه=في وقتنا ماظنتي قد يطرى
لا اسولف بحبه ولانيب كانيه=وغيري لو انه يوالفه كان هذرى
احشم قريبه حشمةٍ له واداريه=واخشى يجى في خاطره شي وادرى
ليت الزمن يرجع وانا اعلمه ليه=والا الحظوظ من المقابيل تشرى
كل العذارى بالوفا ماتساويه=كنه اليمين وباقي الغيد يسرى
قولوا له اني مارتضي بالبدل فيه=لامال قارونٍ ولاعرش كسرى
يرتاح ماغيره ملا عين هاويه=غلاه نهر النيل والقلب مجرى
واكبر دليل اني إلاغاب احاتيه=كم ليلةٍ ماتت على كف مسرى
وان قالوا انه شرق وازريت لااجيه=وجهت وجهي كل مانمت حدرى

بسكات يغليني وانـا حيـل مغليـه لاتيليفـون ولامواعيـد غــدرى يصون ودي عن عذوله واحاميـه واناعليه احجى من القلـب واذرى حبٌ عفيـفٍ والصراحـه سواقيـه فـي وقتنـا ماظنتـي قـد يطـرى

قولوا له اني مارتضي بالبدل فيـه لامال قـارونٍ ولاعـرش كسـرى يرتاح ماغيره مـلا عيـن هاويـه غلاه نهر النيـل والقلـب مجـرى واكبر دليل انـي إلاغـاب احاتيـه كم ليلةٍ ماتت علـى كـف مسـرى