سلام يانجم مع الوقت ماغاب =لاغابت نجوم السماء يقتدي به
ياامير ياوجه السعد زاك الانساب=يامن عشق معنى السمو وسمابه
يامتعب الامجاد حلال النشاب=راس حوى طيب وشموخ ومهابه
يافزعه اللي مابقى حوله اصحاب =سرى وحيد بليل ماينسربه
خلوه بين اضراس وامواس وانياب=ونة خفوقه مثل صوت الربابه
اصبح جلاوي دون تبرير واسباب=واسقوه من كاس الاسى والكآبه
حده زمانه وانتحى لدار الاجناب =واخذ خصيمه مابقى من زهابه
صدق المشاعر مالها عنك مجناب =تنصاك لاضاقت علينا الرحابه
تبقى سندنا والرجاء فيك ماخاب =لاضيقت صدر السؤال الاجابه
ياطويق صدرك ماقفل دوننا الباب=وابوك دون الشعب ماصك بابه
عطفه شمل حتى الاجانب والاغراب=وان جاء المواطن فزله واحتفابه
يااميرحنا بالحرس كلنا احباب =الشك زايل والمزايا تشابه
نلقى وفاء وطيب ومعزة وترحاب =عشنا مثل ماقيل ربع وقرابه
يقوله الي بالحرس عارضه شاب=بالعلم والتعليم قضى شبابه
ياما بذل مجهود من شان طلاب= وافنى حياته بالسهر والكتابه
خرج مغاوير يقودون الاسراب= وجنود بالميدان مثل الذيابه
صرح الحرس حنا له اوتاد واطناب =في خدمته نفخر ونعشق ترابه
صرح شعاره يعتلي كل مرقاب=يلوح مثل البرق جوف ا لسحابه
في ظل ابو متعب عمى كل مرتاب = اللي دعم صرح الحرس واعتنا به
سيف يفك ارقاب ويشيل الارقاب =وان كبرت القالات يحسب حسابه
اسم جمع جزل المعاني والالقاب=مايحصى افعاله قصيد وخطابه
له في القلوب الشعب تقدير واعجاب =ولاخاب منهو بالظروف انتخابه