مجالس الفرده - ابيات لاتنسى (3) !! من التاريخ

مجالس الفرده (http://www.alfredah.net/forum/)

- مجلس فضاء الشعر (http://www.alfredah.net/forum/alfredah4/)

- - ابيات لاتنسى (3) !! من التاريخ (http://www.alfredah.net/forum/threads/alfredah7569/)

ابيات لاتنسى (3) !! من التاريخ

من طاوع الثنتين يصبر على اللوم = يصبر على فرقا الأهل والعمامي

مسعود الهذال

ما نيب هلباج على النوم نعّاس = همه طعامه لين كرشه ملاها

مشاري بن ربيعان

من يتبع المقفي مرده بالافلاس = مثل اللي بالقيض يدفق صميله

عبد الله اللويحان

نعد الليالي والليالي تعدنا =العمر يفنى والليالي بزايد

راشد الخلاوي

وربعك الى بان الخلل فيك عافوك = اقرب قريب لك من الناس يشناك

سليمان بن شريم

والله لولا الهرم والفقر والثالث الموت =يا الآدمي في الكون يا عظم شانك

محمد السديري

يرزقني رزاق الحيايا بجحرها = لاخايلت برقٍ ولا هيب حايله

حجرف الذويبي

يا كليب شب النار يا كليب شبّه = عليك شبّه والحطب لك يجابي

دغيم الظلماوي

يا مالك انذرك عن صحبة الديك = من صاحبه عاعا معايات الأدياك

بركات الشريف

حنا اليا احتكت ثم اصطكت نوادي = نجيب القول ما سجّل بلنتي

خلف بن هذال

ما هو غريبه موت منهو يشوفك = بس الغريبه من يشوفك ولا مات

زيد بن غيام

يمنا بلا يسرا تراها ضعيفه=ورجل بلا ربع على الغبن صبار

سجوان الرويس العتيبي 000

انا اللي أكثرت من المشاوير ما شير=والله ما آتي واحد(ن) ما دعاني

شالح بن هدلان القحطاني

الذل في بعض المواقف شجاعة = لاصارت اليمنى قصيرٍ مداها

عوض بن زقيحان الحنيني

يا شينها لا صرت مطعون بكفوف الدخيل = في ظهرك اربع خناجر وفي الصدر اربعه

حامد زيد

يا شيخ جابر لك الله ما تهاونّا =الفهد يكّد لك العوده ويضمنها

خلف هذال

يقولون لا ضاقت عليك الوسيعه غنّ = وأنا اقول ما شفت مقرد الخلق وش قالت

مساعد الرشيدي

يا ناس احبه واحب اسمع سواليفه =صوته يشتت همومٍ عايشٍ فيها

سعد الخريجي

وان دندنت طبول الحرّاب دندنا = بآيات حقٍ علي وبلال دندنها

خلف هذال

يا ما حلا الفنجال مع سيحة البال = في مجلسٍ ما فيه نفس ثقيلة

راكان بن حثلين

يا ونةٍ ونيتها تسع ونات = مع تسع مع تسعين مع عشر ألوفي

سعدون العواجي

ومن لايجود اول فلا جاد تالي = لا خطا سنان الرمح ما صاب تاليه

توفيق العلي السهلي

من لا استشارك لاتبديه بالشور = ومن لا يودك نور عينك فراقه

الدقيس

من لايحوش المراجل في مقاديمه = ما حاشها عاد لا جا شايبٍ فاني

عبد الله بن شيبان

ما يجرح الرجال غير انه يشوف =أخس خلق الله يأخذ مكانه

طلال حمزه