مجالس الفرده

مجالس الفرده (http://www.alfredah.net/forum/)
-   مجلس فضاء الشعر (http://www.alfredah.net/forum/alfredah4/)
-   -   ابيات لاتنسى (2) !!! من التاريخ (http://www.alfredah.net/forum/threads/alfredah7568/)

ذيبان 08-05-08 10:26 AM

ابيات لاتنسى (2) !!! من التاريخ
 
سلمو لي على اللي سم حالي فراقه = حسبي الله على اللي حال بيني وبينه
فهد بورسلي
شابت لحانا ما لحقنا هونا = وعزي لمن شابت لحاهم على ماش
فهد الخرينق
صاحبي يلبس البرقع ما هي عادةٍ له = مير أخذ سلم جيرانه وصارت طبيعه
سليمان الهويدي
عيبٍ على اللي يتقي عقب ما بان = ويرضى طمان النفس عقب ارتفاعه
عبيد بن رشيد
أنا بلاي سعود يوم أحرق العود = ريحه يذكرني حسين الذلالي
علي الجضعان الفريدي
من قال بالناس قالوا به=ومن عال تاتيه عيالـي
محمد بن فهد الحداري
الطير بالجنحان ما أحلى رفيفه=والا انكسر حدى الجناحين ما طار
سجوان الرويس العتيبي 000
رجل كما ألف يعادل آلاف ويزيـد=وآلف وجود كـن مالـه وجـودي
زيد بن حماد الفريدي
الحق ما يوخذ بنقـش المعاريـض=من يطلبه ياطـا مليـل الرماضـي
خلف بن عتاق الفريدي
وجدي عليهم وجد من طاح بالبيد = صكن عليه مجنزرات اليهودي
نافع بن هديب الفريدي
دنيا كفا الله شرها كيدها كيد=هذا مصبحته وذاك مهجودي
مبارك بن حديد الفريدي
وأخير منها ركعتين بالاسحار = لا طاب نوم اللي حياته خساره
تركي بن حميد
والوجه الابيض مايبي زود تبييـض=ومن جرّب الطولات عاف الخفاضـي
خلف بن عتاق الفريدي
والناس في تفكيرهـا بينهـا فـروق=ويبقـى التشابـه بالإسـم والبطاقـه
رشيد محمد الفريدي
لو إنه ينتخينا لعرش كسـرى=بحوافر خيلنا يصبـح ترابـي
مقبل النمران الفريدي
قمت اتوجد وجد من مات غاليه =قبره اقباله كل يوم يمره
بخوت المريه
كل ما دقيت في ارضٍ وتد = من رداة الحظ وافتني صفاة
ابن لعبون
لو ينشكى حبي على ذيب الأخماس = يسرح مع الطليان ما يجفلنّي
شرعان الرمالي الشمري
لاذكرت الليالي اللي مضت والصداقه = عوّد القلب يرجف مثل رجف المكينه
فهد بورسلي
لا ضاق صدري جبت نجر ومحماس = وادلال بيض غاليٍ مشتراها
مشاري بن ربيعان
من شق شقٍ يا اريش العين يرفاه = وانت الذي شقيت خافي ضميري
صقر النصافي
ما ذكر به حيٍ بكى حي يا ذيب = واليوم انا ببكيك لو كنت حيّا
شالح بن هدلان القحطاني
من شق ستر الناس شقوا ستاره = ومن هك بالثرمان يضحك بلا سن
شالح بن هدلان القحطاني
رجالٍ ما تحوش المرجله ما دام هي صغار = ترا صعب تحصلها الى من شابت لحاها
طلال السعيد

ذيبان 09-05-08 03:47 AM

رد: ابيات لاتنسى (2) !!! من التاريخ
 
يا وطنا يا وطنا عمت عين الحسود = ما تهزك لا زوابع ولا غدر عملا
خلف هذال

ابن جدعاء 09-05-08 11:26 AM

رد: ابيات لاتنسى (2) !!! من التاريخ
 
ابو راكان ..جهد تشكر علية..

جمعت لناء اروع الابيات واصحبهاء

حيث ان كيثر من الابيات نسمعهاء

متدولها بين الناس ولانعرف اصحابها

ذيبان دئماًً ...مبدع ..ومتميز

ذيبان 09-05-08 11:37 AM

رد: ابيات لاتنسى (2) !!! من التاريخ
 
اقتباس:

المشاركة الأصلية كتبت بواسطة ابن جدعاء (المشاركة 62746)
ابو راكان ..جهد تشكر علية..

جمعت لناء اروع الابيات واصحبهاء

حيث ان كيثر من الابيات نسمعهاء

متدولها بين الناس ولانعرف اصحابها

ذيبان دئماًً ...مبدع ..ومتميز

ما عليك زوووووود يا ولد عبد لله ,,,

ناصر بن راكب 12-05-08 10:10 PM

رد: ابيات لاتنسى (2) !!! من التاريخ
 




بيض الله وجهك أبو راكان على هذا المجهود

وستبقى خالدٍ في قلوبنا

ابن ردمان 12-05-08 10:24 PM

رد: ابيات لاتنسى (2) !!! من التاريخ
 
بيض الله وجهك أبيات فعلاً جميله جداً

ذيبان 13-05-08 10:11 PM

رد: ابيات لاتنسى (2) !!! من التاريخ
 
اقتباس:

المشاركة الأصلية كتبت بواسطة ناصر بن راكب (المشاركة 63194)




بيض الله وجهك أبو راكان على هذا المجهود

وستبقى خالدٍ في قلوبنا

ما عليك زود يا ابن راكب

بيض الله وجهك

واحمد الله ان وصلت مشاركتي الى جميل ذوقك

ذيبان 13-05-08 10:13 PM

رد: ابيات لاتنسى (2) !!! من التاريخ
 
اقتباس:

المشاركة الأصلية كتبت بواسطة ابن ردمان (المشاركة 63199)
بيض الله وجهك أبيات فعلاً جميله جداً

حياك الله يا ابن ردمان

وربي يعطيك العافيه

ناصر بن مغضب 13-05-08 11:59 PM

رد: ابيات لاتنسى (2) !!! من التاريخ
 
سلمت أناملك يا ابو راكان أطروحة جميلة لاهنت
أشكرك على هذه الذائقة الرائعة


عندي سؤال عن قائل هذا البيت أن أمكن ان تخبرني به

يامصوتٍ باللبن مالنا فيه = تلقى اللبن في عبلة مساوي


تقبل ودي وأعجابي

خلف الفريد 14-05-08 10:48 AM

رد: ابيات لاتنسى (2) !!! من التاريخ
 

اخي الحبيب ابو راكان

الله لايهينك الله لايهينك كفيت ووفيت
جهد مميز واختيار رائع واطارات اروع لاهنت
ولاشك ان ما يخص كبار الشعراء القدماء وابياتهم المتداوله ، التعريف بها
امر مطلوب ومكسب لمن يتذوق الشعر ويبحث عن الاصاله
اشكر كل الشكر على ماتبذله في مجالس ربعك
سلمت من الحر والقر ومن كل شر
تقبل حبي ومودتي
...........................


الساعة الآن 10:31 PM

Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By Almuhajir

Ads Management Version 3.0.1 by Saeed Al-Atwi

لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52