مجالس الفرده - ~~ رسالة لشعراء المليون المشاركين من السعودية ..! ~~ من : السيل (عبدالله بن زنان)

أحبتي

ألف مبروووك لأخي الشاعر خليل الشبرمي تأهله بحزم وبكل هدووء لقمة الشعر الخليجي وألف مبروووك للشعر في قطر الحبيبة ..

وهذه رسالة موجههة لأحبتي أبناء وطني المملكة العربية السعودية المشاركين في شاعر المليون في النسخة الثانية ومن يفكر أن يشارك في النسخة القادمة ..وعذرا لمن سقط أسمه سهوا

.
.

وطن ويجندل الغيم الشعر يتفاءل الحراس ..... وطن ويشع من بال المطر حرفي وحراسي
وطن وحدك امير الكون وحدك بالغلا نسناس ..... وطن ويفز لك جيش الغرام وطيش نسناسي
وطن ماهمك اللي يخلطون الغيظ بالهوجاس ..... مدام انك تغيظ قلوبهم تبقى بـ هوجاسي
وطن ماغيرك يفض العلوم يرتب الألماس ..... وطن ماغيرك أرضٍ زينت همي بألماسي
وطن كلك على بعضك حكاية ترفض الأجراس ..... جرس يعني فرس واللي نسى مايسمع اجراسي
خذ المعنى على كف الزناد وهمهمات الراس ..... وطن أكبر من انصاف الرجال ويعتلي راسي
لأجله عشت مترامي بديرة ماغشاها الباس ..... لأجله عشت دون آعيش وجنوني مثل باسي
قوي يوم القوي رب البشر متعلي الأحساس ..... وسيع البال قبل الحال يمطر نبض الاحساسي
ايا بندر بن امحيا أيا عيضه بحد امواس ..... ايا ناصر وبن مشعان وبدر بزحمة امواسي
ايا عقاب الربع دام الحويماني معك محتاس ..... وخالد صاح مع مهدي وفالح بات محتاسي
لكم مني غلا كثر الشعر مايعشقونه ناس ..... لكم مني جواهر تعدل المليون في ناسي
لكم مني وصية وانتم اخبر ماانثنى المقياس ..... سوى بعد انثيال الما على قلبي ومقياسي
قطاعة لامناعة لا وصول ولا خطا بلاااس ..... تواضع في ترافع عن غدير ماه بلااااسي
كيان بلا سنان بلا شموخ يخطي النوماس ..... زراعه من ذراعه / هي تفاصيلي ونوماسي
أيا شعر الوطن ياشعر تكفى لايجيك نعاس ..... دروب الحال ممضيه / وشر الناس نعَاسي
خذو خيل الحروف وزمجروا للشعر والعساس ..... خذو بيرق شعور أثمن مدام النبض عساسي
خذو مني ومن صدر السما كلمه لها انفاس ..... يعيش بكم وطن / دام الوطن يستاهل أنفاسي
بليلة عشتكم وحدي / ووحدي رافع الترباس ..... لكم كل الكلااام اللي بباب يفض ترباسي
جواهركم / نوادركم .. معاني شامخة نبراس ..... معادنكم / مصادركم .. أصيله وسط نبراسي
أنا أدري وش يدور بخلد ربان المسا والكاس ..... وانا ادري من يدوَر للخطا يوم امتلا كاسي
وطنَا ماحسب غيره .. مدام ان السما كراس ..... وطنَا سجل التاريخ نوره وسط كراسي
وطنَا يزرع الهمه / ولايعطي العلوم لـ واس ..... وطنَا لارمى رمية .. يجي راكد ومتواسي
وطنَا سر يوم السر / مكشوف الغطا بلباس ..... لباسه نور من ربي ... وانا من ربي لباسي
مبادي مادرسناها .. عرفناها بدون اقواس ..... تراب وعاش فينا قبل نعرف صف الاقواسي
وطن خذ مني عروقي / وشكلها بكفك فاس ..... أنا من ساعة الميلاد .. عزك هو مدى فاسي
وطن هاك الغلا من راس قومٍ ماحنى هالراس ..... وطن هاك المطر دام السما تمطر تحت راسي

.
.