|
يم حايل من شمـال امغرزاتـي ماقصد غير الطهيمي في مجيـة الكل يعرف الشيخ / عليان بن راشد الطهيمي حفظه الله الذي شرف حرب عامة والفردة خاصه وذلك في فوزه في المركز الأول بالمغاتير في جائزة الملك عبدالعزيز - رحمه الله - في ام رقيبة وكذلك فوزه بالنخبة لثلاث سنوات متتالية والحمد لله . ويستاهل كل خير ابو فواز كرم ورجوله وعلم طيب الله يطول بعمره على الخير وفي محفل ابو فواز قال كثير من الشعراء قصائد مدح في ابو فواز وسأذكر بعضاً منها : *قصيدة الشاعر عبدالله بن زويبن مزاين 1425ه راكب اللي والنجـوم اللامعاتـي في سماهن والصباح يشع ضيه بين حي الجامعة والمرسلاتـي واستدار امع الخطوط الدايريـة ما التفت راعيه يـم اللافتاتـي حافظ كـل الخطـوط الريسيـة أول أسمه بالثـلاث المفرداتـي رقم خمسة بالحروف الأبجديـة تـو لوحاتـه عليـه مركباتـي صادرات من مـرور الناصريـة وارد تـوه حديـث مواصفاتـي يلتهـب بديـه ويلمـع داخليـه كن طبلونـه جهـاز مراقباتـي في حدى المستشفيات المركزية شاشة لنباتهـا مثـل السفاتـي للدمـاغ مخصصـة والباطنيـة تنكشف به بالضروف الطارياتي دقة القلـب السريعـة والبطيـة وكشنه الداخل زلـول ناعماتـي قبتـه وارضيتـه والجانبـيـة والمراتب من جلود الزاحفاتـي ماآدري هو جلد داب أو جلد حية ماقطعت الشك ميـر مموهاتـي مثل تمويـه البـدال العسكريـة بديه أدهم والخطـوط مذهباتـي مثل عقد الماس في عنق الفتية والزوايا والركـون مصفحاتـي مايله والواجهـه مثـل الخليـة بين شمعات صغـار مربعاتـي والعلامـة وردة فـي مزهريـة يوم مريت العيـون الساهراتـي قوةٍ للأمن في حجـم السريـة قبل ما آقف عندهم واطلع اثباتي صفو العسكر ودقوا لـه تحيـة مشترينـه للديـار النازحاتـي والخطوط المتعبـات السرمديـة الطوال اللـي تشـق النايفاتـي باتـلات مثـل بطـن البندقيـة ماتخاويـه الريـاح الذارياتـي والوحش والطايرات المروحيـة كن له جنحان مثـل الطايراتـي يرفعنه فـوق مـدري جاذبيـة وكن ماله من خلاف مساعداتي قوة الماطـور ترفـع مقدميـة وان عطيت ابه الفجوج الخالياتي فزته تعطيـك عـزم ومعنويـة ماوقف يطبـخ بلوفـه ذايباتـي والشراب مغلـق مـن تانكيـة وإن نظر راعيه مع كل الجهاتي مايشوف الا الخلا والمهمهيـة للسراب وللمعاصيـر اعتماتـي عبلةٍ جردا وشمـسٍ صنقريـة وأيس المسكين من تالي الحياتي وأرتكى فوق الكفر يكتب وصية كن جَلده جَلد خيـل هاجماتـي ? أول الغارة فرس شيخ الغزية أن هجم قدم السبـاق الأولاتـي يشتبك هو والعدا فـوق العبيـة وان رجع يثني خلاف التالياتـي يقهر السبـق ويرجـع للرديـة وإن كسب حم الذرا والمسرجاتي مايخيب ضن من قـال الحذيـة غازيٍ يبغى النقى قبل الفواتـي غاديٍ له عند عدوانـه شفيـة أزعجنـه بالصيـاح الناعياتـي كل ما نادى المنادي في سميـه أتعجـب بالعلـوم الماضياتـي وألتفت في موتري واذكر مزيـة مع جراديح الحـزوم النابياتـي كن حذفه للحصى حذف أهوشية لا وطى له مروةٍ راحت شتاتـي كل قطعة طيرت مثـل الشضيـة يم حايل من شمـال امغرزاتـي ماقصد غير الطهيمي في مجيـة ناصٍ عليان في موضوع ذاتـي مايسـده واحـدٍ مابـه حميـة ما يسده غيـر راع الواجباتـي يوم ولد اللاش يبخل في طليـة والدلال الصفـر دايـم والماتـي من قديم الوقت راعي شاذليـة والعشاء كثر الضيوف امفطحاتي كل واحد له ذبيحة فـي صينيـة كنس ماهن مـن المستورداتـي ما يجيب البربـري والساكنيـة ما يجيب الا السمان الغالياتـي يتخير فـي نجـد نجـد العذيـة بين حايل والقصيـم مربعاتـي بالفياض اللي مناضرهـا بهيـة من بعد سيل الوسوم مسيلاتـي مرتين امن المـزون العقربيـة أول النـاوة سيـولٍ جارحاتـي وآخر الناوة قرى صمد وشغيـة الزهور اللي على روس النباتي يشبعن إبها الضحى وأرضٍ مرية ما تثنن بالمـراح مهوجراتـي ولا عطوهن من علاج البيطرية والمداخـن بينهـم متعاقباتـي كل وحدة راسهـا ياخـذ أوقيـة ما قطع فيهن عطور السيداتـي ريحة المعمول ولـى الجاونيـة مايخلي نافذه لأهـل الشماتـي جعـل مايبقـى لتاليهـم بقيـة وله عوايد بالعطايا المعجزاتـي الجيوب الشهب يعطيهـا هديـة ومن بغى يزعل من العلم الثباتي ما عليَه منـه والله مـا عليـه إن زعل يرد البحور المالحاتـي إن رضي ولى إيبنط في طميـة يا ولد راشد بـدون مجاملاتـي حايزٍ كـل المزايـا الجوهريـة =============================================== ===================================== ====================== ========== ===== == = الطهيمي الفريدي |
مشاركة: يم حايل من شمـال امغرزاتـي ماقصد غير الطهيمي في مجيـة الفريــــــــــــــــــــ دي يستاهل كل خير ابو فواز وصح لسان الشاعر عبدالله بن زويبن يا ولد راشد بـدون مجاملاتـي حايزٍ كـل المزايـا الجوهريـة تحياتي لك على النقل اخوك ابو ريم الفـــــــــــريدي |
مشاركة: يم حايل من شمـال امغرزاتـي ماقصد غير الطهيمي في مجيـة
راكب اللي والنجـوم اللامعاتـي=في سماهن والصباح يشع ضيه بين حي الجامعة والمرسلاتـي=واستدار امع الخطوط الدايريـة ما التفت راعيه يـم اللافتاتـي=حافظ كـل الخطـوط الريسيـة أول أسمه بالثـلاث المفرداتـي=رقم خمسة بالحروف الأبجديـة تـو لوحاتـه عليـه مركباتـي=صادرات من مـرور الناصريـة وارد تـوه حديـث مواصفاتـي=يلتهـب بديـه ويلمـع داخليـه كن طبلونـه جهـاز مراقباتـي=في حدى المستشفيات المركزية شاشة لنباتهـا مثـل السفاتـي=للدمـاغ مخصصـة والباطنيـة تنكشف به بالضروف الطارياتي=دقة القلـب السريعـة والبطيـة وكشنه الداخل زلـول ناعماتـي=قبتـه وارضيتـه والجانبـيـة والمراتب من جلود الزاحفاتـي=ماآدري هو جلد داب أو جلد حية ماقطعت الشك ميـر مموهاتـي=مثل تمويـه البـدال العسكريـة بديه أدهم والخطـوط مذهباتـي=مثل عقد الماس في عنق الفتية والزوايا والركـون مصفحاتـي=مايله والواجهـه مثـل الخليـة بين شمعات صغـار مربعاتـي=والعلامـة وردة فـي مزهريـة يوم مريت العيـون الساهراتـي=قوةٍ للأمن في حجـم السريـة قبل ما آقف عندهم واطلع اثباتي=صفو العسكر ودقوا لـه تحيـة مشترينـه للديـار النازحاتـي=والخطوط المتعبـات السرمديـة الطوال اللـي تشـق النايفاتـي=باتـلات مثـل بطـن البندقيـة ماتخاويـه الريـاح الذارياتـي=والوحش والطايرات المروحيـة كن له جنحان مثـل الطايراتـي=يرفعنه فـوق مـدري جاذبيـة وكن ماله من خلاف مساعداتي=قوة الماطـور ترفـع مقدميـة وان عطيت ابه الفجوج الخالياتي=فزته تعطيـك عـزم ومعنويـة ماوقف يطبـخ بلوفـه ذايباتـي=والشراب مغلـق مـن تانكيـة وإن نظر راعيه مع كل الجهاتي=مايشوف الا الخلا والمهمهيـة للسراب وللمعاصيـر اعتماتـي=عبلةٍ جردا وشمـسٍ صنقريـة وأيس المسكين من تالي الحياتي=وأرتكى فوق الكفر يكتب وصية كن جَلده جَلد خيـل هاجماتـي ?=أول الغارة فرس شيخ الغزية أن هجم قدم السبـاق الأولاتـي=يشتبك هو والعدا فـوق العبيـة وان رجع يثني خلاف التالياتـي=يقهر السبـق ويرجـع للرديـة وإن كسب حم الذرا والمسرجاتي=مايخيب ضن من قـال الحذيـة غازيٍ يبغى النقى قبل الفواتـي=غاديٍ له عند عدوانـه شفيـة أزعجنـه بالصيـاح الناعياتـي=كل ما نادى المنادي في سميـه أتعجـب بالعلـوم الماضياتـي=وألتفت في موتري واذكر مزيـة مع جراديح الحـزوم النابياتـي=كن حذفه للحصى حذف أهوشية لا وطى له مروةٍ راحت شتاتـي=كل قطعة طيرت مثـل الشضيـة يم حايل من شمـال امغرزاتـي=ماقصد غير الطهيمي في مجيـة ناصٍ عليان في موضوع ذاتـي=مايسـده واحـدٍ مابـه حميـة ما يسده غيـر راع الواجباتـي=يوم ولد اللاش يبخل في طليـة والدلال الصفـر دايـم والماتـي=من قديم الوقت راعي شاذليـة والعشاء كثر الضيوف امفطحاتي=كل واحد له ذبيحة فـي صينيـة كنس ماهن مـن المستورداتـي=ما يجيب البربـري والساكنيـة ما يجيب الا السمان الغالياتـي=يتخير فـي نجـد نجـد العذيـة بين حايل والقصيـم مربعاتـي=بالفياض اللي مناضرهـا بهيـة من بعد سيل الوسوم مسيلاتـي=مرتين امن المـزون العقربيـة أول النـاوة سيـولٍ جارحاتـي=وآخر الناوة قرى صمد وشغيـة الزهور اللي على روس النباتي=يشبعن إبها الضحى وأرضٍ مرية ما تثنن بالمـراح مهوجراتـي=ولا عطوهن من علاج البيطرية والمداخـن بينهـم متعاقباتـي=كل وحدة راسهـا ياخـذ أوقيـة ما قطع فيهن عطور السيداتـي=ريحة المعمول ولـى الجاونيـة مايخلي نافذه لأهـل الشماتـي=جعـل مايبقـى لتاليهـم بقيـة وله عوايد بالعطايا المعجزاتـي=الجيوب الشهب يعطيهـا هديـة ومن بغى يزعل من العلم الثباتي=ما عليَه منـه والله مـا عليـه إن زعل يرد البحور المالحاتـي=إن رضي ولى إيبنط في طميـة يا ولد راشد بـدون مجاملاتـي=حايزٍ كـل المزايـا الجوهريـة عبدالله زوبين |
مشاركة: يم حايل من شمـال امغرزاتـي ماقصد غير الطهيمي في مجيـة ابو عبدالله ابو فواز يستاهل أكثر من إشادة بيض الله وجهك على الأختيار |
مشاركة: يم حايل من شمـال امغرزاتـي ماقصد غير الطهيمي في مجيـة مشكور اخوي ابو ريم والشكر موصول لأخي الفاضل المبدع عبدالله غنام سينهض المنتدى بك وبأمثالك بارك الله فيك وتقبل تحياتي واشكرك على تنسيق القصيدة |
مشاركة: يم حايل من شمـال امغرزاتـي ماقصد غير الطهيمي في مجيـة الله الله معقوله عند حرب شعارر مثل هذا ولاشرفونا بشاعر المليون تحياتي |
مشاركة: يم حايل من شمـال امغرزاتـي ماقصد غير الطهيمي في مجيـة صحيح ماشفناهم في شعراء المليون ياليت احد الشعار الكبار يقولو لنا وش السبب ... مع ان كثير منهم لا يقارن ولا بنسبه بسيطه بمن شارك بالمليون |
مشاركة: يم حايل من شمـال امغرزاتـي ماقصد غير الطهيمي في مجيـة صح السانه صح السانه لو نظرنا فيه شعار كبار ماشاركو في هالمسابقه او هاللعبه ان صح التعبير الشعر له هيبة والشعار كذالك لهم هيبتهم والله انا برايي ان شاعر المليون ماهي معيار للشعر ويكفي انها بالاخير اللي فاز قالو له مبرووك صرت شاعر وصعبه شاعر كبير يقف بهالموقف لان ناس مالها بالشعر وتنقد على شعره نس ماهم بكفوة شعر وبعدين كل المتسابقين شعار ماقول فيهم شي لاكن مايقفون بصف الشعراء الكبار هذا مجرد راي يمكن يكون صح او خطا تحياتي |
| الساعة الآن 06:05 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir