يالله توفق عجب وتمد فـي عمـره=وخله لعيـن بتالـي الليـل تدعيلـه
نبع الصخاء بالمكارم سيرته عطـره=عقيد ربعن نهـار الكـون ترسيلـه
طيبه وفعله هواللي رافعـن قـدره=ابوعلــي ياعسـى اليـام تصفيلــه
على المراجل مصحصح دايـم فكـره=عون الذي من صدوفالوقت يشكيله
زيزومهـا لاغـدى( ثمـانهـا)عـشـره=لاصلّـب الـرأي ياقفلـه و يتكيلـه
أخوي والله لهـا لضاعـت الدبـره=لعدّو أهل المواقـف راجحـن كيلـه
من رؤس قوم معدايهم حفـر قبـره=لاثار حس الرمـك عدوهـم ويلـه
وريث شيخٍ بقى مع العـرب ذكـره=الطيب والجود لوهو مات باقيــلـه
شعري بمدحه حقيقة ماقدر أختصره=عجب عسى الله يقدرني وأنا أوفيلـه
غلاه بأعماق قلبي مشيـدن قصـره=من غيره اللي ليضاقت بـي أجيلـه
يفداه عفنٍ عليـه المرجلـه عسـره=نذلن عسى الله يطشه في محابيله