يازين كلن في شقا القلب مكلوف=مقسوم والمقسوم مافيه حيله
الولف مرسومن على القلب بحروف=والنفس عيت تنتهي مستحيله
من يوم شفتك بالمريدي على الشوف=كني على يازين حام المليه
يازين تقل أني عن الدرب منسوف=بعاصوف قدام الحقوق المخيله
مثل الحذيف اللي مع البير محذوف=في بير وإلامن علو الطويله
ولا الهليك اللي على ند ناطوف=لاريب عنده بنقطاع العقيله
ياغض سرب شوف عيني ولاشوف=صوبت قلبي بالعيون الضليله
ياغض لاتضيع مع السرح معروف =ياغض مردود الجميله جميله
شبيت في صدري من النار سانوف = من واهجن من نار نارن شعيله
ياغض كيف اروح والقلب مخطوف = راجع دليلك يوم تاخذ دليله
واقول ليته مقضي الحال منصوف=وتصير حالك مثل حالي نحيله
واليا ذكرت اصغير الصدر وردوف=وصفٍ شعا قلبي وضيع دليله
لاضره الله ناعم العود غطروف=مازون ماثقل مدقن يشيله
ياعنق ريميٍن على دربه أخشوف=سرعه يخم ذريعه من جفيله
عين أشقرن يدعى على راس شغنوف= متفهق الجنحان عوق الجزيله
ياصغير النهدين والوسط ملهوف =ملهوف منك القلب واعزتيله
صبري قضى واصبح على نفسى الخوف=بصدري مثل سيلن تكسر مسيله
أقول وسمعلك عسا بحالي أتروف=راع الهوى ألمن حب له يشتكيله
لون بسلوم الهوى صارت أصدوف= قامت هباهيب الهبايب تهيله
ولاعاد بالدنيا بقى غيركن نوف=ماشوف غير مغذيات الجديله
يازين فكر وفهم الصح لايطوف=لاتصير ساري ليل ماينوميله