يا راعي البكس الاحمر لا تخليني=تراي بأرض خلا لو كنت في ديره
الموتر اللي ركبه داعـج العينـي=خلاص تراي واحد من مساميـره
واجبك يلزمك باسعاف المصابيني=وانا صوابي جديد وذي تقاريـره
ارجوك يا صاحب الموتر توديني=لا عفش معيه و وزني دوك تقديره
جلدٍ على عظم جعـل الله يعافينـي=واللي على البال بأيـد الله تدبيـره
اللي بكاس الهوى من المر يسقيني=شارك لسانـي بتهليلـه وتكبيـره
ماله نظـامٍ محـدد بـه يمشينـي=كثير ما تختلف عنـدي معاييـره
ياصل ويقطع ويبعدنـي ويدنينـي=بالشكل هذا علي طالـت السيـره
يومٍ يحرج علي ويـوم يشرينـيي=لعب عليّه وقلبي ما يبـي غيـره
ماهو بقاضـي علـي ولامبقينـي=راحت حياتي وانا في ظل تعزيره
تراي ابا اركب لو انك ما تراعـي=والله لو اختفي في وسط كرتيـره
بلا فوايد عليـه راحـت سنينـي=مالي جدى كود قولـه الله الخيـره

يا بوي انا طال انتظاري ومليت = صبري نفذ وما باقي الا قليله
صبرت يا ابوي وتحريت وما ابطيت = والخالق ارجي رحمته واشتكي له
ما عاد ينفع دوى لو تداويت = والامر لله ما مع العبد حيله
حبيت بنت العم حبيت حبيت = من قبل ما تربط على الراس شيله
بينت لك شكواي وابديت ما اخفيت =وابيك تجهد لي باية وسيله
لا تحسبني داله يوم غنيت = اضحك مع العالم وروحي عليله
ذكره على بالي اليا اقبلت واقفيت = ارعى خياله كل يوم وليله
بئس الحياة اللي بها ماتهنيت = اعيش عمر ما رضيت بحصيله
الله على جمع ثلاث لها صيت = الدين والدنيا وبنت جميله