|
مسابقة ولكن ! ! ! ! ! اعزائي اعضاء وزوار مجالس الفرده وفضاء الشعر اسعد الله اوقاتكم بكل خير هذه مسابقة وهي ليست مسابقة اعتبروها نوع من التحدي واختبارآ لشعرائنا ومدى قوة جزالتهم وقدرتهم الشعرية ونحن لانشكك بهم ولكن من باب الحماس سوف اطرح بيتين وارجوا من الجميع اكمالها بقصيدة لاتقل عن ثمانية ابيات والإفضل قصيدة بعد تقييمها من قبل الشعراء سوف يوضع اسم شاعرها ببنر اعلاني على الواجهة بإنه شاعر المجالس وذلك لمدة أسبوع وننتظر طرحكم احبتي :
إن قلت أحبك قالت الـروح بجنـون = وإن قلت أنا أهـواك قالـت غناتـي وإن قلت أنا في حبكم صرت مفتـون = صاحت وقالـت والله إنـك حياتـي |
رد: مسابقة ولكن ! ! ! ! ! بكل هدؤؤؤ
إن قلت أحبك قالت الروح بجنون= وإن قلت أنا أهواك قالت غناتي وإن قلت أنا في حبكم صرت مفتون= صاحت وقالت والله إنك حياتي وإن قلت ياعمري على البال تطرون= قالت وربي ساكن وسط ذاتي وإن قلت شوفي داخلي ورد ومزون= منك ولك بالروح تزهر وتأتي قالت غرامك داخل الصدر مصيون= أسماء طموحي فيك وأسماء أمنياتي ولو كل خلق الله على الباب يلفون= راحوا يديهم يالغلا خايباتي قلت أسمعي والشوق ضامي ومرهون= لعيونك اللي ترهب الكائناتي أنا طريقي يمكم لو يعذلون= أهل القشر وأهل الحسد والشماتي |
رد: مسابقة ولكن ! ! ! ! ! سيدة عمري
بديت بأسم الله على طرق موزون=عذب الكلام بقاف حلو السماتي ابوبندرياقصة تعرض على مسرح الكون=قصة غرام اثنين حتى المماتي قصه كتبها الله بكاف مع النون=تجمع معاني الود واحلى الصفاتي عاشق ومعشوقه بلا شك وظنون=الله جمع ما بينهم في الحياتي مابه دسايس خوفة اللي يعذلون=على النقا ما خالطه شايباتي ماخاف أنا الحساد والخلق يدرون=وقدام خلق الله امبين خفاتي ابا اتغزل في عشيري على الهون=وابدي كنين النفس وأقول هاتي ياسيدة عمري بعد كل مزيون=ياشوق يام الذوق .. سكر نباتي حلو المحيا منه الاخلاص مضمون=هي غايتي ..من بد كل البناتي إن قلت أحبك قالت الروح (بجنون)=وإن قلت أنا أهواك قالت غناتي وإن قلت أنا في حبكم صرت مفتون=صاحت وقالت والله إنك حياتي |
رد: مسابقة ولكن ! ! ! ! ! مطلوبين بالاسم 1-خلف بن عتاق 2-عبدالله بن غنام 3-فارس الحرف 4-غازي الفريدي 5-علي بن جضعان 6-ناصر بن مغضب 8-ناصر بن راكب ولا يهونون باقي الربع من الشعراء والباب مفتوح للجميع.[/ |
رد: مسابقة ولكن ! ! ! ! ! اقتباس:
احسنت ياصاحبي ابو بندر نعم اين هم؟ اين انتم احبتي؟ المسابقة سوف تقفل مساء الإحد القادم الموافق 10/10/1428هـ ننتظر المزيد مع التحية ،،،،،، |
رد: مسابقة ولكن ! ! ! ! ! ماتقولون؟
بديت بدع القاف وابداه بلحون = في وصف منهي ضافيه بالصفاتي فيها الجمال اليعربـي دوم مقرون = راقي وعايش في زمن راقياتي من زينها كل العذارى يغارون = ومنطوقها مـعسول باحلى اكلماتي ان قلت ياكل الغلا ما تودون = حاضر وكل الـلي تــريدون يـــاتي واليا طلبتي لو طلبتين مــليـون = في حبــكم مـاحدٍ يــسوي ســــواتي ردت تقول المال مافاد قــارون = وسلامتــك ورضاك غــاية منـــاتي ان قلت حبك بين الاضلاع مسجون = وباقي الجوارح كلهن حارساتي قالت وعشقي لك عن الكل مصيون = وسكنت عن كل الملاء وسط ذاتي إن قلت أحبك قالت الــروح بجنون = وان قلت أنا أهواك قالت غــناتي وإن قلت أنا في حبكم صرت مفتون = صاحت وقالت والله انك حياتي وان قلت ياسيد الملا ما تـقـــولون = قــالت نفكر فيــك حتى الوفاتي ناصر بن راكب |
خلك معي لآيف خلك معي لآيف
إن قلت أحبك قالت الروح بجنون = وإن قلت أنا أهواك قالت غناتي الشاعر/ على محمد بن الجضعانوإن قلت أنا في حبكم صرت مفتون = صاحت وقالت والله إنك حياتي صدق المشاعر لاتزيدون تكفون = كلمه مثل هاذي تسبب وفاتي حبك بوسط القلب ياصدق مدفون = أعرف كلامي زين وأقضب وصاتي لاتفرٌح العذال وأهل يقولون = اللي يحبون الردى والشماتي خلك معي لآيف على خط مضمون = وصايلنت لاتنساه وقت الصلاتي أبي لادقيت دايم تردون = صوتك لارديت يجمع شتاتي عاقل ومتعلم وشاعر ومزيون = ياغايتي جمعت كل الصفاتي وأسمك كتبته والخلايق يشوفون = وأسمك على أهل الكون لو غاب يأتي واناأتحداهم لسمك يعرفون = أسمك رمزته بس في ذكرياتي وعبر الفضاءجتك القصيده وممنون = والله يحقق لي جميع أمنياتي |
رد: مسابقة ولكن ! ! ! ! ! (((( راس فرعون ))))
ان قلت احبك قالت الروح بجنون=وان قلت انا اهواك قالت غناتي وان قلت انا في حبكم صرت مفتون=صاحت وقالت والله انك حياتي وان قلت تسكن داخل العين بالنون=قالت وجودك من تراكيب ذاتي وان قلت ياليلى ترى قيس مجنون=قالت جنون الحب اغلى امنياتي قلت اسمعيني والمخاليق يوحون=ويشهد عليّه عالم الخافياتي لو المهر يامهرتي راس فرعون=والا كلاوي بوش قبل المماتي ولو تطلبين بلير وعيون شارون=لجيبهن يا غايتي كاملاتي انا خلف ليا انتخى! ابليس ملعون=عند اللقا ما حد ٍ يسوي سواتي خلّي شباب اليوم مهما يقولون=قولي فعل ماهي خرابيط ((شاتي)) قالت تهزّا ؟! شايب ٍ مالك سنون=قلت العفو!! وجاوبتني سكاتي |
| الساعة الآن 07:53 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir