هذوا قصيد وجيبوا أفكار وشعور = وأرهوا على بيض الورق سود الأحبار
غنوا هجيني لا بيغيتوا ومجرور = والا هلالي وأرجفوا رجفة الطار
تبنون خدرٍ هل وأبنيلي قصور = من ماس وأرفع لي مقام فالأبرار
مديحكم عن مدح أبا القاسم الزور = وإبداعكم وأن جانبه ميت أفكار
والوزن وأن خالفه مسماه مكسور = والقاف وأن ما صافحه شرك وإيسار
هذا الذي من قبل بعثته منصور = يا غارة الجبار في يوم ذي قار
هذا الذي في مولده زلزل الجور = وأخمد معه نار المجوسي فالأهوار
هذا الذي في مقدمه خاب سابور = وأنذل قيصر وأنكفى وجه الأحبار
هذا العلم واللي على راسه النور = والنار للي من ضلاله على النار
هذا الذي أسمه فالأرواح محفور = وإبصار أمة لا بغت كيف الإبصار
هذا الذي من دونه أنحور وأنحور = ما تقربونه لين تفنون مليار
معمور لين البعث معمور معمور = حبه ونخلق به ونارثبه كبار
من غاره سراج هتك كل ديجور = وبهجرته فصل المكذب والأنصار
و بدر علمنا عن الصبر والخور = وبأحد آمنا وراء موتنا أعمار
وقفته دستور وكلمته دستور = وبسيرته سرٍ لتخليد الأسرار
يا من رأى الدنيا مثل كسرة ظفور = كسرة ظفورك عندنا مثلها أطوار
لا والذي جاك من الخير موفور = رحمة وتبيان ودلالات وأخبار
وأجلُّ من جسمه على اللوح مذكور =وأعز من دفلج بنسّاع الأزوار
ماطا قدمك اللي على المجد مسمور = أخير من تيجان وأعروش الأمصار
يا سيدي واللي عجز معك معذور = لا صار ما يعرج لأفلاك وتزار
لا صرت مبرور ومن الذنب مغفور =والله مدحك بمزله ، وش للأشعار
في حضرتك لدت وراء عوجي البور = ريضان ولذكرك بختري ونوار
وأربعماية وألف وثلاثين وشهور = ما حالت بكف على الجود مدرار
أكرمتني في لحظة غيب الشور = عني وحاضرني تسابقه الأعذار
عليك ماكرت من عصور و عصور = أو ذعذع الغربي ومادن الأشجار
دمعي وقلبن من مفارقك مكسور = وأزكى صلاة ما غشى الليل الأنوار

صح لسان الشاعر الدعجاني
وأحسنت الأختيار أبو عزام
شكرآ لك