|
القلب يالصاحب له أيام مزنوق في احد الايام قام الشاعر بدر الحويفي بزيارة الى احد اصدقائه وبعدها اخبره صديقه بوجود صقر عند احد معارفه وانه يريد ان يبيعه فذهب بدر مع صديقه ليرى ذلك الصقر ولكنه وجد الصقر في موضع غير ملائم وعندما رءآه بدر على هذه الحاله قال هذه القصيدة:
القلب يالصاحب لـه ايـام مزنـوق=ماهو منشطني مـن العـام سوقـي والـرزق بالدنـا تقاسيـم ووفـوق=نـوب تكايدنـا ونـوب تـروقـي وعناية الخالق علـى كـل مخلـوق=محيي الهشيـم ويابسـات العروقـي ياللي هضمت الطير والطير مرزوق=الطير رزقـه بالجنـاح امخلوقـي من يوم قـل الصيـد ماللولـع ذوق=وشعاد لو حطيـت طيـر وسلوقـي راح الولع مع دور مشعان وصفوق=يوم الحبـاري بالمنـادي افروقـي ذاك الذي يطرب له البـال ويشـوق=والطير يسـوى قيمتـه ومعشوقـي واليوم دور الطير فاشـل وممحـوق=كثروا صقاقيـره ولامـن وفوقـي وبعض صقاقيره يحبسه بصنـدوق=ضايق بمنقـاره يعـض السبوقـي لو هز راسه للفضاء وانتهض فـوق=ريشه دمـار وبالربـاط امحزوقـي نسره لحم مطبوخ والوكـر طابـوق=وسيـم يتلـه بالكـراع امحزوقـي من عقب مضياحه على راس شاهوق=اليـوم ناقـص واجبـه والحقوقـي يلعب الجاهل مـع الديـك مرفـوق=الطيـر مخـدم والدجاجـة تقوقـي من شوفته كني على الوجه مصفوق=صديت من عيني تـذارف ارموقـي حكمه بيد غيري ولابرمت منطـوق=هزيت راسـي والضميرامحروقـي من يوم جهال الولع جالهـم سـوق=اللي يحسبـون البواشـق اشروقـي الطير له نـاس تعرفـه ومرمـوق=اللـي ولعهـم بالصقـاره عموقـي يسوقهم حـب الولـع للولـع سـوق=خص ليـا قامـت تلـوح البروقـي كان اجنبوا لمسوا مداليـج ساحـوق=وشمال من غرب الصحن للحدوقـي بارض مراتعها تفهق بهـا النـوق=كبار الظهـور مقوسـات العنوقـي لاهل الولع فيها مساهيـج وطـروق=وقت الخضـار وللبذيـره بهوقـي العام لـي معهـم علاقـه ومعلـوق=والليـوم اوادعهـم وقلبـي يتوقـي ينحاه مع درب الولع حب واخفـوق=وعلى الصقاره والنشامـا شفوقـي قلبي على شوف القرانيـس مفتـوق=اللـي طلبهـن يعطبنـه لحـوقـي الي بهن ريشة مريعـي وغرنـوق=ومن القطـا فيهـن نوايـع رنوقـي امسرولات اكعوبهن حجل واسبـوق=حرش الكفوف مدلجـات الشدوقـي وصدورهن جثلات والمتن مفهـوق=واقحوفهن مثل الكهـوف الطبوقـى والريش طلق ادقاق والبوز مذلـوق=والروس بيض وبالمواسـى دقوقـى عقد محازمهن لهن سلـف واشنـوق=فـج المناخـر ضافيـات الشنوقـى منهن زعيم الجول ماهـو بمعتـوق=من ضربهن كنه برمـح مخشوقـى دفق الحمر منهن على القاع مدفـوق=مثل الخناجـر مزرهـن للعروقـي انسى سوالفهن ولا جيـت ابـاروق=يشـر عليهـن يالنشامـا خفـوقـي لاكن حصلي من ظروف الدهر عوق=وانا عليهن يـذرف الدمـع موقـي حل الولع يوم الولع قطـف زملـوق=واليوم راع الطير صدره يضوقـي يصبح ويمسي ضايق الصدر مخنوق=تضيق مـن قـل الهـداد الخلوقـي |
رد: القلب يالصاحب له أيام مزنوق اشهد انه ماقصر الحويفي صح لسانه وسلمت يمينك يبن راكب على نقل هذه الرائعة من الادب العربي لشاعر رائع وذائع الصيت بدر الحويفي قمة وجزالة وهي عادتك ياناصر ماتنقل الا الجزل ولا تجيب الاالطيب |
رد: القلب يالصاحب له أيام مزنوق غني رااع الولع عن التعريف وصح لسانه والف شكر لك اخوي ناصر على النقل |
رد: القلب يالصاحب له أيام مزنوق اخي وعزيزي والشاعر/ نــاصــر بن راكـــب دائمآ تقطف لنا كل ماهو جميل وتأتي به حقيقة لأعلم كيف اشكرك على هذه القصيده الرائعه ولكن سوف تثبت حتى اول يوم من رمضان والله يعيطك العافية جهود ملحوظة تشكر عليها |
رد: القلب يالصاحب له أيام مزنوق صح إلسان الشاعر بدر الحويفي وسنه نقل رائع يابن راكب |
رد: القلب يالصاحب له أيام مزنوق الشاعر بدر الحويفي غني عن التعريف هو الرائد في شعر المقناص صح لسانه وسلمت يمينك على النقل |
رد: القلب يالصاحب له أيام مزنوق ابن راكب مشكور على النقل وسلمت يمينك وصح لسان شاعرنا بدر الحويفي |
رد: القلب يالصاحب له أيام مزنوق صاح لسان الشاعر وسلمت يمينك * البيت الثاني الرزق بالدنا تقاسيم ووفوق :: الرزق بالدنياتقاسيم ووفوق |
رد: القلب يالصاحب له أيام مزنوق صح لسانه وسلمت يمينك على النقل |
رد: القلب يالصاحب له أيام مزنوق صح لسآآنــه قصيــدهـ رآآئع ــه آح ــترآآمي لكـ أخ ــوي نآآصـر ع ــلى النقـل المميز ج ــل الاح ــترآآم ودي ووردي |
| الساعة الآن 09:20 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir