سلام يا ربع لهم بالوطن صيت = صيت تعلى في جميع البلادي
اليا رحت يم المجلس السمح حييت = تحيةٍ تنطحك بصوت ينادي
كل يرحبك علىمقدم البيت = ودلال بغداد يصبة اولادي
وبن شرع في حمستة قبل ما جيت = متحري ضيفة يجيلة يهادي
اولاد راشد للكرم بالتصاويت = كل يصوتلك على راس وادي
كل يقول اقلط تفضل وحييت = ويا مرحبا بضيف وعلمه سنادي
الضيف يحشم عن كلام الختاخيت = بالعود الازرق وخالطة ريح كادي
اولاد راشد عزوتي لاتعزويت = للطيب واهل الطيب دايم يعادي
الطيب يزها في يمينك اليا انويت = والطيب علمة واصل للمهادي
يا مرحبا واهلا هلا بك ودليت = يا مرحبا بك مع حميع العبادي
بالموقع النادر على وصلت النيت = في مجلس لعيال راشد وكادي
حاوي ثمان اقسام لارحت ثم جيت = ومن ضمنهن بيت القصيد الجدادي
ومنصور يكرم عن ضيافة سرابيت = مشرف بيوت للقصيد العدادي
يابو محمد هقوتي لاتهقويت = علمك شمخ مع كل طابع سوادي
في مجلس لعيال راشد تعليت = قولك على اشاشات دايم سدادي
والمعذرة يالربع لو قلت ما أوفيت = والعذر مرسل للحضر والبوادي
وصلاة ربي ياهل العرف والصيت = على شفيع الخلق يوم الميعادي

اولاد راشد عزوتـي لاتعزويـت= للطيب واهل الطيب دايـم يعـادي
الطيب يزها في يمينك اليا انويـت =والطيب علمـة واصـل للمهـادي