أبوه مات ولاتـرك لأمهـم شٍيـن =ماغير رحمة ربهم فـي وصاتـه
عاشو على شغل أمهم بالفساتيـن =وياحسين ود الثوب ياحسين هاته
بأول حياته جرب الشين والشيـن =هو فيه زين يجربه فـي حياتـه
إن راح يلعب عيّـروه الوراعيـن =وإذا رجع للبيت مو مـن حلاتـه
يسمع كلام أمه عن الفقر والديـن =ويضيق فيه الكون بأربع جهاتـه
يعني بَنت مستقبله دمعـة العيـن =ماعاد تفرق عن حياتـه مماتـه
كبر وصار أكبر حرامـي دكاكيـن =يسمع بفقـر الذيـب وإلا غناتـه
لين اكفشوه وصار له أربع سنين =يدعي لرب البيت بآخـر صلاتـه
يارب تشملني بعفـو المساجيـن =وتفرج عن اللي يرتجنـه خواتـه

صح لسان حمدان المري فعلآ رائعة
شكرأ أخت الرجال على النقل
الجميل

المشاركة الأصلية كتبت بواسطة خلف الفريد (المشاركة 39331) بسم الله اخت الرجال شكرا شكرا على هذا الانتقاء الدال على ذائقة انسانيه رائعه ولما لا تكون القصه واقعيه؟؟؟ الظروف كثيره!! قصيدة انسانية او قصة قصيده المهم انها مؤثره ومبكيه وهي دليل على قساوة الحياه وضياع بعض الاسر اذا فقدت المُعيل! وهنا يأتي واجب المجتمع الاسلامي الحق!!!!!!!!!!!!!!!!! صح لسان الشاعر الانسان حمدان المري وسلمت يمينك اختي العزيزه