|
** تـــريـــقـــــه ** اسعد الله اوقاتكم بكل خير احبتي قصيدة جديده للشاعر / سـلـطـان بن بــتـــلاء اتمنى ان تنال استحسان ذائقتكم الشعرية
يوم اغرِق الشعر في حبر القلم وارهقه = واقول هذا الجديد ان قلت:: وين الجديد والله ماهوب طفرة شعـر والا شفقـه = لكني القى مخـارج للحـزن بالقصيـد نصف ابتسامة صديقك ماهي بتريقـه = والتريقـه ماتعـدّل مايـل ولاتفـيـد يمكنهـا حيـره بدنيـا هـل التفرقـه = او عدّها ايّات شي الا ان قلبـي بليـد بليد وشلون؟ وانا اللي يصـب عرقـه = لاشاف له ظالمن مع سوّ فعله سعيـد وشلون ممكن يحسّون العـرب بالثقـه = ولاعاد مابيننا طلحـه ولاابـن الوليـد مصاير شعوب بايدي بـوش متعلّقـه = يفعل بها اللي يريد ويترك اللـي يريـد مستقبل الشرق كلـه خطـة ٍ مسبقـه = والغرب مدري متى بتخمّـه ام العبيـد ماباقي ٍ دمّ في وجـه العـرب تدفقـه = مدام من ماضـي الغلطـات ماتستفيـد تلعب بنا زمرة الطاغين لعـب ورقـه = وحنا على مجدنا الماضي نعيد ونزيـد |
رد: ** تـــريـــقـــــه ** بسم الله
البيت الاول: يرمز للشجاعة وايضاً التمسك بالدين الصافي البيت الثاني: بسبب ضعفنا ودسائسهم وقوتهم الماديه ولكن الله هو الذي يفعل مايريد وليس بوش البيت الثالث: خطة الهدف منها المصالح وحماية اسرائيل فقط وعمادها القوه بانواعها البيت الرابع: ولو تعلموا واستفادوا!! وش بيديهم طالما الروح خاويه!! البيت الخامس: عز الله انا نضبط لعب الورقه ومعه!!! وابشرك كل يوم فضائية جديييييييييييييييييده!! ابو تركي دائما كبير في الاختيار الراقي الذي يداعب القلوب والارواح ويؤلمها احياناً كهذه القصيده! ولكننا بحاجة لذلك عن الغفله على الاقل !!!!! اما هذا الشاعر العملاق فما اقول الا ما شاء الله قامة شعرية هائله ومفخرة لحرب جميعاً صح لسان ابن بتلا على هذه الجزاله في الشكل والمضمون شكرا شكرا لكما |
رد: ** تـــريـــقـــــه ** صح لسان القائل وسلمت أنامل الناقل .....دمت بود |
رد: ** تـــريـــقـــــه ** ابن منيديل صح الله لسانك ولسان الشاعر الفذ / سلطان بن بتلاء قصيدة رائعة بالجزالة ومتخمة بالمعاني الجميلة أسعدني التواجد هنا شكري ومحبتي وتقديري وتسلم دوم يابو تركي |
رد: ** تـــريـــقـــــه ** صح لسان الامير الشاعر راع الطيب سلطان بن بتلا صح لسانه مليون وكل الشكر والتقدير ابو تركي لإتحافنا برائعة من روائع هذا الشاعر العلم |
رد: ** تـــريـــقـــــه **
تلعب بنا زمرة الطاغين لعـب ورقـه=وحنا على مجدنا الماضي نعيد ونزيـد
الرادار ابن منيديل دائما ما تأتي بالجديد الجزيل الشهي المفيد ومن شعراء نشفق على جديدهم ونتطلع دوما اليه جهود لا نستغني عنها ونتطلع دوما اليها مشرفنا العزيز صح لسان سلطان الشعر وبلغه عنا السلام ابوبندر |
رد: ** تـــريـــقـــــه ** ابن منيديل / تحيــــــــــــــــــــه طيبـــــــــــــــــه اسعدالله مساك كل خير قصيده جميله وفيها من المعاني الجزال تقبل مروري واعجابي |
| الساعة الآن 11:13 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir
