مجالس الفرده - منصور الرمالي ... يمدح حرب

مجالس الفرده (http://www.alfredah.net/forum/)

- مجلس فضاء الشعر (http://www.alfredah.net/forum/alfredah4/)

- - منصور الرمالي ... يمدح حرب (http://www.alfredah.net/forum/threads/alfredah4201/)

منصور الرمالي ... يمدح حرب

السلام عليكم

كلنا نعرف الشاعر الكبير منصور الرمالي الشمري رحمه الله الذي

رحل عن هذه الدنيا وهو في عز شبابه بعد أن أحتل مكانة مرموقة

في الشعر الشعبي ، كان رحمه الله عسكري في دولة قطر وبعد

أن تضايق من مرؤوسيه في العمل استقال وعاد إلى السعودية وقال

قصيدة طويله منها قوله عن قطر :

يا دار ما جيتك من العز عريان = من روس شمر والحفيظة سعودي

وبعد أن عاد إلى السعودية سجل في الدفاع الجوي في المنطقة

الشرقية ، تقريبا عام 1412 هـ ، وحصل عندهم في حايل مناسبة زواج

لشقيقة ، فحاول أن يستأذن من رئيسه في العمل فرفض الضابط أن
يسمح له ، وتوسل إليه منصور ولكن بلا جدوى ،

وكان النقيب شافي بن عبد العزيز البيضاني ، يرى ما حصل للشمري

فقال له رح يا منصور على مسئوليتي الأسبوع هذا والأسبوع الجاي ،

مع أن شافي لم تكن له صلاحية في ذلك ، فرفض الشمري وقال ما ودي

أحرجك مع المسئول اللي اكبر منك فأصر شافي على كلامه ، فذهب

الشمري إلى حائل وحضر زواج شقيقه وعندما عاد إلى العمل أعطى

شافي هذه القصيدة التي يثني فيها على شافي وقبيلة البيضان

وقبيلة حرب عموما حيث يقول :

سر يا قلم و أكتب حسينـات الأمثـال= أكتـب وسجـل للرمـالـي مثـايـل
مثايل اللـي يـازن القيـل يـا قـال= كـلام مــازونٍ ولا فـيـه مـايـل
ابا أمدح اللـي للثنـاء والكـرم نـال=اللـي نـزل بالمرجلـه راس طايـل
اللي وقف يوم انثنـوا بعـض الارذال= وأثبت وجوده ما أسمتـع قـول قايـل
شافي عريب الساس والجـد والخـال =حاش المراجل شوق شقـراء جدايـل
الوافـي اللـي للصعيبـات حــلال= ذيـب ولـد ذيـب يحـوش النفاليـل
نعم الصديق اللي معـه يدلـه البـال= ونعم الخوي حلو النبـاء والخصايـل
وافي وفي يوفـي ويفعـل ليـا قـال= و أصله رفيع ومن رجـال وحمايـل
ربعه لهـم تاريـخ حافـل بالأفعـال= أفعـال تشهـد بـه جميـع القبـايـل
تاريخهـم زاهـر تدارسـه الأجيـال= و افعالهـم مـن نـوع مثلـه قلايـل
بيضان لا من الـردي شـح بالمـال =تلقـى عطاياهـم كـبـار وجـلايـل
بيضان يوم الناس في حـرب وقتـال= با السيف يا ما طوعـوا كـل عايـل
بيضان لهم الوقت شاهد و لـو طـال =من حرب مروين السيـوف الصقايـل
قوم لهم فـي صفحـة المجـد منـزال =ومعهم علـى فعـل المراجـل دلايـل
وعيالهم ساروا علـى درب الابطـال= و أحيـوا فعـول المقدميـن الأوايـل
ارداهم اللي يرخص المـال والحـال= دون الخوي والضيف ما هوب سايـل
و ابيوتهـم دايـم للاجـواد مـدهـال= وللضيف يا مـا قلطـوا كـل حايـل
وافين للوافـي علـى كـل الأحـوال= ونـدٍ وضــدٍ للقـلـوب الغـلايـل
للي شكى ضيم الدهـر فـي وظـلال= وللـي يـدور الشـر نـار وملايـل
والطيب باقي مع هـل الطيـب لازال= وتبقى الفعـول لفاعـلٍ كـان زايـل
ومن خلقة الدنيا بهـا أجـواد وأنـذال= للخبـث نـاس وللمراجـل حمـايـل
وبالشكل ما تفرق أخر أنثـى ورجـال =لا كن ترى فـرق الرجـال الفعايـل
والطيب .. ما يقوى على الطيب محتال= ولا تجتمع بالشخص طيـب ورذايـل
وكم واحد طيب عليـه الزمـن مـال= ضده وضد أكثر هـل الطيـب مايـل
ضدّه زمانه لين رصه علـى الجـال= وخـلاه بالدنيـا يشـوف الهـوايـل
و كم خيبٍ يملـك عمـارات وأمـوال= لا شـك مـا يقـدر بعمـل الجمايـل
لو قلت كـم الوقـت ؟ يقـول بريـال= خبيـث سـاس ولا يعـرف الفشايـل
هذا زمان شفـت انـا فيـه الاهـوال= وقـت بـه اولاد الحمايـل ذلايــل
احد تحمل مـن عنـى وقتـه اثقـال=واحـد عنـه وقتـه يشيـل الثقايـل
هذا الزمن يمضي ولا للزمـن حـال= يـوم بـراد ويـوم حـر وقـوايـل
يا ما اشتكوا من جوره أجيال واجيـال= راحوا وجاء للجيل .. جيـل وبدايـل
والكل غيـر الله مـن الـدار رحـال= ركـاب حنـا والليـالـي رحـايـل

رحم الله منصور الرمالي وجميع موتى المسلمين

منقول تحياتي