مجالس الفرده - للشاعر نايف بن رشيد أبوزوايد الفريدي: هات القلم واكتب من القيل مبداه...

هات القلم واكتب من القيل مبداه
لاصار انا في نظمة القيل ملزوم

الطيب واضح والعوارف لها جاه
ومن خلقة الدنيا قوانين وسلوم

واللاش ماله بالمراجل مجاراه
يموت وجهه لو حوى علم دبلوم

تمد له يمناك ويمد يسراه
ويقولك مافيه مشكل ومعلوم

وليا نهيت اللي خبيثه نواياه
اخاف حبلات السوالف تلد توم

ياعل رجل مايوجه مطاياه
يم الفضيلة ويتباعد عن اللوم

تاطاه عجفات الليالي وتقصاه
ويبدي عليه من القصاء كل مثلوم

وإن راح جعله روحة مقيط ورشاه
ياعل شكله مع هل الأرض معدوم

راحت رجال يحتمون المخلاه
يوم العمار بسوقها يرخص السوم

الله من قلبٍ همومه تدالاه
اسهر ليا منه رقد تاجر النوم

عسى السحاب ليا ارتكم ونتثر ماه
جعله من شرابث ليا حد زلوم

حيثه مرب لكل وضحاء محلاه
اللي بها زين القلاده وبرشوم