|
قصيدتان لشاعر واحد ولكن الفرق شاسع قصيدتان لشاعر واحد ولكن الفرق شاسع قصيدتان للشاعر متعب التركي الأولى قبل التوبه والثانيه بعدها اسال الله ان يثبته على الحق القصيده الاولى غزليه قالوا حبيبك يسمع الشعر قلت إيـه يقـراه بعيونـي قبـل تسمعـونـه لولاه حتى طـاري الشعـر مابيـه مير اكتبه من شان خاطـر عيونـه هو روح شعري وامنياته وماضيـه جذع الشجر وش كان لولا غصونـه اكتب لغيره والقصايـد تجـي فيـه كـن القصايـد حالفـه ماتخـونـه هذاك لامنـة زعـل قمـت اهاديـه حتى وهو مخطـي تعـذرت دونـه يمكن لو انه يلمس الجـرح بيديـه يستغرب ان اللـي لمسهـا طعونـه ابطى وهو غايـب وزلـت حواريـه وانا مـن العـام اتحـرى مزونـه هو مادرى اني في غيابـه محاتيـه ليته نشد عن حالـي اللـي يجونـه وقلبي اللـي تـوه افلـت عراويـه كيف انسرق وضلوع صدري حصونه عجـزت ارده كـن مانـي براعيـه يوم انتثر شوقه وهاضـت شجونـه يبسن عروقـه لكـن اللـي يعزيـه ان اكثـر العالـم تـردد لحـونـه خافوا مـن الله لاتجيبـون طاريـه لاصـرت انـا موجـود لاتذكرونـه لو كـل غالـي جابـه الله لغاليـه ماشفت لك مخلوق تبكـي عيونـه لولاه حتى طاري الشعـر مابيـه مير اكتبه من شان خاطر عيونـه هو روح شعري وامنياته وماضيه جذع الشجر وش كان لولا غصونه اكتب لغيره والقصايد تجـي فيـه كـن القصايـد حالفـه ماتخونـه القصيده الثانيه وعظيه بعد التوبه الموت هين والبلا وش ورا الموت عند الحساب يهون سهم المنايا باكر نموت وتصبح قبورنا بيوت وعقب القصور بضيقات الزوايا فجوف الارض وكل من حولك سكوت وتعاقبن بالقبر عوج الحنايا يا رب يا منجي نبيك من الحوت سترك وعفوك يوم كشف الخفايا باكر اليا جينا على داعي الصوت شيبان واطفال وشباب وصبايا ندعي وحنا بين باكي ومبهوت ورحنا لها ننقاد مثل السبايا يا رب تهديني قبل لحظة الموت وتغفر ذنوبي يا كريم العطايا أشكيك هم داخل الصدر مكبوت وأيامي الي بالخطايا ملايا ان لاذ بك من كان طايع ومبخوت في من يلوذ المرتكب للخطايا يا رب يا قادر على كل طاغوت لا ياقف الي وحدوا بك خزايا رحماك لا منا صحينا من الموت واليا وقفنا عند بابك عرايا |
رد: قصيدتان لشاعر واحد ولكن الفرق شاسع اقتباس:
الحقيقة كل وحدة أحلى من الثانية ولعلة ينطبق عليهما الأثر المشهور : ( ذلك على ما قضينا وهذا على ما نقضي ) بحكم المرحلة العمرية والطور الفكري والتوجه العام لاهانت جهودك ودم بالوجود |
رد: قصيدتان لشاعر واحد ولكن الفرق شاسع أبو العز بيض الله وجهك على هذا النقل وصح لسان الشاعر متعب التركي ونسأل الله له الثبات على الحق ...دمت بود |
رد: قصيدتان لشاعر واحد ولكن الفرق شاسع وقلبي اللـي تـوه افلـت عراويـه****كيف انسرق وضلوع صدري حصونه صح لسان الشاعر ابو العز تعتلي القمة في مشاركاتك الجميلة وتأبى الا ان تجعلنا نقف احتراما لمواضيعك واختياراتك الرائعة مشكور على هذا النقل ولك ازكى تحية من محب |
رد: قصيدتان لشاعر واحد ولكن الفرق شاسع الموت هين والبلا وش ورا الموت عند الحساب يهون سهم المنايا باكر نموت وتصبح قبورنا بيوت وعقب القصور بضيقات الزوايا الله يعطيك العافيه ابو العز |
رد: قصيدتان لشاعر واحد ولكن الفرق شاسع عبد الله غنام / تشرفت بردك ابا عزام ........................مشعل الفريدي / الله يبيض وجهك .................................................. ...منصور الوسوس / اهلا بمراقبنا العزيز .................................................. ....................................ابن جدعا / الله يعافيك |
رد: قصيدتان لشاعر واحد ولكن الفرق شاسع بو العز مشكور على النقل الجيد وصح لسان الشاعر اول وتالي قال فابدع واجاد وعلى قولة ابوعزام لكل مرحلة في العمر توجه |
رد: قصيدتان لشاعر واحد ولكن الفرق شاسع ابو العز مشكور على القصائد الجميلة صح لسان الشاعر و نسأل الله ان يثبته على الحق وسلمت يداك على النقل الجميل وتقبل شكري وتقديري لشخصك الكريم |
رد: قصيدتان لشاعر واحد ولكن الفرق شاسع ابو العز بيض الله وجهك وصح لسان الشاعر |
رد: قصيدتان لشاعر واحد ولكن الفرق شاسع بسم الله
زلت حراويه هو الصحيح ابو العز جزاك الله خيرا على هذا العطاء والجهد شعر جميل لشاعر متميز يجعلك تنجذب اليه سابقه ولاحقه شعر غزلي عفيف وشعرايماني مصطبغ بالتوبه نسال الله له الثبات والايمان والاخلاص ودمت بخير |
| الساعة الآن 11:30 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir
