|
قصيدة لشاعر مناحي العوفي السلام عليكم ورحمة الله وبركاته بكل شرف اتيتكم بهذه القصيده الموجهه للاخ علي عبيد الفريدي على مواقفه الطيبه مع اخ الشاعر وهي لاتستغرب من ابناء هذه القبيله والقصيدة للشاعر المبدع مناحي العوفي
الشخص يابو عبيد يذخر لثنتين=رايٍ رشيد وقفةٍ عند شده وانته وانا متقاسمين المسمين=زحول نجد ان جاوز العلم حده بيض الوجيه معدلين الموازين=والرجل منهاجه على نهج جده وانته من سلالت ربوعٍ مسمين=اللي لهم بالمجد قامه وشده اعيال راشد ملحقين المخلين=وحزام من وقفت لياليه ضده تاريخهم له بالمعالي عناوين=ياكثر من تتعب ولاتنال قده خلد سطوره في سجل السلاطين=وذعذع على كل الثقالين نده وشرواك يفّزع به على العسر واللين=وحرٍ ينومس من صقربه وهده وعز الرفيق ومكسبٍ للموالين=وسيفٍ نهار الضيق يضرب بحده اقولها والناس بالفعل دارين=ومن بان فعله كل حيٍ يعده ولا اطيع بالطيب كلام المغلين=لوان مابيني وبينه موده وشلون وانت اقرب من الرمش للعين=وعروق اهلنا من بحر مستمده فيك افتخر لاهنت مبطي وهالحين=ولاعمست الابصار ماعنك صده والي يبي يزعل يصك القشيعين=والّا بعد يارد على بحر جده مايمدح الا اللي على الطيب ضارين=واللي لزومك لانصيته يسده والا قصير الباع مع بارد العين =عن فزعته كبرت لي المخده الشاعر مناحي العوفي |
رد: قصيدة لشاعر مناحي العوفي صح لسان القائل وسلمت أنامل الناقل ... دمتم بود |
رد: قصيدة لشاعر مناحي العوفي ماجد بن فحيمان الوسوس لاعدمناك يبن العم لك ازكى تحية على هذا الاختيار الرائع جدا والاخ / علي بن عبيد الفريدي يستاهل المدح وعلمه غانم ووقفاته طيبه ودائما مايكسب الثناء من الرياجيل الا خيارهم وصح لسان الشاعر المبدع دائما // مناحي العوفي على هذه القصيدة الرائعة |
رد: قصيدة لشاعر مناحي العوفي الله يعافيك ياماجد الوسوس وصح لسان الشاعر ويستاهل المدح الفريدي |
رد: قصيدة لشاعر مناحي العوفي الف شكر اخوي ماجد السوس على النقل وصح لسان الشاعر قصيده غايه في الا بداع . |
رد: قصيدة لشاعر مناحي العوفي صح لسان الشاعر مناحي العوفي وتسلم ماجد على النقل المشرف ويستاهل / علي عبيد بن فلاح الفضلي الفريدي وقفاته دائما تنومس ربعه وترفع الرأس ولا غرابه حيث أنه ينتمي لقبيلة منهجها الطيب وفعل الامجاد نازف الحرف |
رد: قصيدة لشاعر مناحي العوفي تسلم ماجد على النقل الرائع ويستاهل الممدوح تخليد ذكره وصح لسان الشاعر وبيض الله وجهه ولا يمدح الرجال الا أطيبهم |
رد: قصيدة لشاعر مناحي العوفي تصفحة ههذا المنتدى الجميل بكل اقسامه ومن ضمنها فضاء الشعر واوقفني اسم لامع في مجال الشعراحبه كاشخص وشاعر مبدع بكل ماتعنيه هذا الكلمه رغم عدم معرفتي له شخصيا وهو الشاعر مناحي العوفي والذي يذكرني كل ماقراةله او سمعت له شعرا قصه حدثة له اخبرني فيه احد الاصدقاء وهي تدل على ولاه وحبه لقبيلته يقول صديقي كنا في مجلس احد الشخصيات المرموقه والتي تفرض قيمته الاجتماعيه المجامله له وكان مناحي العوفي ضمن الحضور وتطرق صاحب المجلس او المعزب الى احد رجال حرب بكلام يقلل من شانه وفجا انقلب هدو هذا الشخص الى بركان وتصدى لكلام المعزب المهيب بكل جراءه ادهشة الحضور ... وهذا سبب حبي له رغم عدم معرفته والف شكر اهديه الى ابن عمي ماجد على النقل المشرف ويستاهل الثناء علي عبيد الفريدي [ عيال راشد ملحقين المخلين\\\وحزام من وقفة لياليه ضده |
رد: قصيدة لشاعر مناحي العوفي اخي ماجد صح لسان الشاعر ويستاهل الممدوح وبماذكره فريدي طيبه الا يستاهل حبة على الرأس والخشم |
رد: قصيدة لشاعر مناحي العوفي صح لسان الشاعر: مناحي العوفي وبيض الله وجهه ومشكور يا ماجد على النقل |
| الساعة الآن 10:07 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir