حبيبي ماعلى صدق النوايا فالقلوب اشهود=كثير من النوايا ترتدي خبث وغبا وهبال
بعد غدر الأحبه والسيوف ولعنة البارود=بكت صفر الدلال وطال حزن الظجر والفنجال
ذبحني بالغلا ليل البدو والبن واهل الجود=عشقته حلم سامي والجروح من الفرح تختال
حبيبي يابعض همي ..أحسك فالحشا موجود=تعال أسمع أنين الجرح..قصيده للأ لم مرسال
لك الله لو بقيت إن الوفا من بيننا ممدود=لأحطك ياحبيبي فوق هامات القصيد عقال
وش اكبر منك يادمعه وداعٍ مالها مردود=تموت بعيوني الليله وانا اللي للوفا خيّال
رضيت اكبر مخاسيري على أول طلة المنقود=رضيت ومانسيت أن السوالف حدها قتّال
هلابك يارحيلٍ في ماارتدى ذكرى الوداع قيود=هلا ياأجمل رحيلٍ في خطاوي ضيعه..الرحّال
هلا يااطول مشاوير التعب في صبري المحمود=صحيح الموقف القاسي يبي صدرٍ وسيع البال
ابضحك مثل خيالٍ ثنى بالسيف دون الذود=وبرسم دمعة إنسانه بكت من حزنها الأطلال
سخافه نخلق الأعذار ونلعن حظنا المقرود=وسخافه ياقصيدٍ يستحي من جده الموال
قبل ماازرع زهور الصدق كنت السالم المفقود=وبعد مافتّحت كان الشذى خوف وهلع واهوال

المشاركة الأصلية كتبت بواسطة مشعل الفريدي (المشاركة 32421) فارس الحرف ... صح لسان القائل وسلمت أنامل الناقل ...دمت بود

المشاركة الأصلية كتبت بواسطة منصور الوسوس (المشاركة 32430) صح لسان الشاعرة وسلمت يمينك على النقل يافارس الحرف قصيدة رائعة جدا لك اجمل تحية (((( بكت صفر الدلال وطال حزن الظجر والفنجـال ))))) احتمال ان الظجر ==== النجر