مايفيد النصح في عشق الصقاره ايها الاخوه أعجبتني هذه القصيده وأحببت نقلها لكم مات طيري مير كيف القى بديله =صافي(ن) لونه ومغتر في حَماره اشهد ان حلاه نادرة(ن) قليله =القطوع الطيبه غير السطاره جوهر(ن) عايز وممسوح(ن) شليله =ومن مجسه ما يغطي الكف زاره والقحوف تقول غيران(ن) ظليله =غير بوز(ن) ضمته فيها جباره والمناخر بيت نمل(ن) له نثيله =لو تعرض للهواء ما خلف طياره والله إني مبطي(ن) عن هالفصيله =يختلف بالزين وشوية نزاره ما يهاب الخرب لو كوش يشيله =صامل(ن) فعله ومع فعله شطاره يلحق اللي تختفي يم المخيله =لو تروح مع الفضا كبر الشراره زين طلعه لن بدا راس الطويله =صادق(ن) بالطلع لو هو فالغماره من يقول الطير كبه لا تشيله =ماوراه الا التعب هو والخساره ولو يفيد النصح بقلوب(ن) هبيله =مايفيد النصح في عشق الصقاره والختم صلوا على راعي الفضيله =الرسول اللي شرع دين الطهاره مسند مازن الميزاني |
رد: مايفيد النصح في عشق الصقاره صح لسان مسند الميزاني ولاهنت يابوفيصل على النقل الجزل تحيتي لك |
رد: مايفيد النصح في عشق الصقاره صح لسان الشاعر مسند الميزاني وسلمت ابو فيصل على الاختيار الجزل لاهنت |
رد: مايفيد النصح في عشق الصقاره لاااهنت يابو فيصل على النقل |
الساعة الآن 11:11 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir