|
وتــبي الصحيح الي عليه المواثيـق , الحب حلق شآربي لآ لقيته ’ ! وتــبي الصحيح الي عليه المواثيـق , الحب حلق شآربي لآ لقيته ’ ! هــذي هـي الدنـيا حظوظ و توافيق امــا و طــاك الحــظ .. و لا وطــيته تعــيش فـي غـيبوبه الوقـت وتفيـق شـــي تذكرتـه .. وشـــي نســيته بــس الوكاد انـه بعـد نشفت الريـق مـالك ســــوا بنيانــك اللـي بنيــته والضيق كل انسان .. به هم و يضيق و لا كل واحد يسألـك .. بـه طـــريتـه الســـد خلـــه دايمــــا فالصناديــق منشــان ماتصــدم بشــي هقـــيته و الحب لعـبه حظ بين العشاشيـق إمـــا نحــــته نحـــت .. و لا محـــيته وتــبي الصحيح الي عليه المواثيـق الحــب حلــــق شـــاربي لا لقـــيته والطــيب فعل وله دروب وطواريق و ســوه لوجـــه الله .. لامـن نويتــه و فعلــن مهــو لك لا تلفقـه تلفيـق الحــق يظهـــره الزمـــن لـو كــميته كم واحدن صيته بروس الشـواهيق و لا تســرك ســمعته .. لا نصــــيته وكم واحدن ماسمعته سمعت طويق لكـــن يقــــوم بواجـــبك لا نخــــيته واللي يحمــل طاقتك فوق ما اتطيق اللي يلومـــك خــــبل لـومـا عطــيته يا كـــثر ما مـــروا علـي المطافيـــق و انــاالخطـــا مـن يمهـم مـــا بديتـه لو كــنت ادقق في خطا الناس تدقيق ما كان حــب الـناس فــزت وخذيتـه كـم مطلبن حاولت اسـوقه ولاسيـق حاولــت بـه لكــن عجــزت وجفــيته و اضــك همـي ضك بيـن المعاليق خلــه .. مـــدام إن المعاليـــق بــيته الــــرزق عنـــدالله رب المخاليـــق ما هـــو مخـــيب رجوتــك لا رجـــيه أعجبتني وراقت لي اتمنى تحوز اعجابكم |
رد: وتــبي الصحيح الي عليه المواثيـق , الحب حلق شآربي لآ لقيته ’ ! الســـد خلـــه دايمــــا فالصناديــق منشــان ماتصــدم بشــي هقـــيته و الحب لعـبه حظ بين العشاشيـق إمـــا نحــــته نحـــت .. و لا محـــيته وتــبي الصحيح الي عليه المواثيـق الحــب حلــــق شـــاربي لا لقـــيته المصدر : وتــبي الصحيح الي عليه المواثيـق , الحب حلق شآربي لآ لقيته ’ ! - مجالس الفرده http://www.alfredah.net/forum/thread...#ixzz2F8q22BOo صح لسان الشاعر وسلمت يا ابو الرجال على الانتقاء الرائع لاهنت |
رد: وتــبي الصحيح الي عليه المواثيـق , الحب حلق شآربي لآ لقيته ’ ! اقتباس:
ابو حمد مشكور على تواجدك ومرورك وسام |
| الساعة الآن 03:29 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir