ياذيب ياللي بالحنايـا لـك قنيـب ياذيب ياللي بالحنايـا لـك قنيـب=أتلفتنـي بعـواك يامـال التـلـف دور لجوعك رجم ولهمـي شعيـب=ودور لعيني نـوم لوكانـه سلـف من بارحة لأولى وأنا أودي وأجيب=طواري منها شعـر راسـي وقـف تزاحم الضيقات بالصـدر الرحيـب=نفتح ملـف الهـم ونقفـل ملـف يالله بجاهك من تريديـة النصيـب=وبحماك يالله من مقاشير الصـدف نشيب ورموش الليالـي ماتشيـب=ونعف وصـدوف الليالـي ماتعـف وكم خاب ظني وكنت أظنه مايخيب=وكم باروا الأصحاب فينـا للأسـف وكم صالفت بقعا عساهـا للذهيـب=وفي عـز شدتهـا قلبناهـا تـرف نقدم على رقـي المنابـر مانهيـب=إن جات وإلا ماعلى الدنيـا حسـف نحيا حياة أحرار راضين النصيـب=ونمووووت ماتاطى لنا الدنيا طرف ونقصر خطاوينا عن الدرب المعيب=وبالماقف اللي يبهج الخاطر نقـف ونطيب لو عيـت ليالينـا تطيـب=فضل من اللي جمٌل الحـال ولطـف غصب على الوجه الكريه المستريب =وغصب عن الرديان من شق وطرف مساعد الرشيدي |
رد: ياذيب ياللي بالحنايـا لـك قنيـب صح لسان الشاعر مســــاعد الرشيدي وسلمت ياخيال على الانتقاء الجزل لاهنت |
رد: ياذيب ياللي بالحنايـا لـك قنيـب صح لسان الشاعر مساعد الرشيدي ..ولاهنت على الانتقاء الجزل تقبل وافر التقدير |
الساعة الآن 09:20 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir