مجالس الفرده - إن وردت الضمّر لعين الجبـل هيت = لبستهـا لزحـول ( حــرب ) القلايــد

مجالس الفرده (http://www.alfredah.net/forum/)

- مجلس فضاء الشعر (http://www.alfredah.net/forum/alfredah4/)

إن وردت الضمّر لعين الجبـل هيت = لبستهـا لزحـول ( حــرب ) القلايــد

السلام عليكم ورحمة الله وبركاته
إليكم هذه القصيدة للشاعر/ سعود بن رازن الحزيمي العتيبي بقبيلة حـــــرب
وقريباً تسمعونها شيله إن شاء الله
أرجو أن تنـــال إعجابكم ورضاكم

لا ساقــــوا الشعـــار للقـــــــــــــافيه بيت
أخـــذت من بيت القصيـــــــد الفــــــرايد

وإن وردت الضمر لعين الجبــــــل هيت
لبستهــــا لزحـــول حــــــــرب القــــلايد

ونظمتهـــا في عقدهـــا عقــــــب نقيــــت
وسميتهـــا بالمفـــــردات الجـــــــــــــدايد

تطـــــــرب لهـــــا مسامع الناس لا جيت
وإسمي فرقهــــا عن جميـــع القصـــــايد

يفـــوح عطــــر ورودهــــا يــــوم غنيت
بالــــورد واليشموم والعـــود زايـــــــــــد

ونثرتهـــا لأهــل الوفـــــــا وأهل الصيت
اللـــــــي لهم في نجـــد مجــد وعوايـــــد

أهل المهـــــــار إن كان للخيــــل لــزيت
إليــــــا احتمى الموقف يجونك عضــــايد

كم طـــامعٍ خلــــــوه عقب الطمـــع ميت
ما ياخــذون إلا وسيــــع البنـــــــــــــــايد

حـــــرب الشجـــــاعه كان فيهم تعزويت
حـــــرب الشيــوخ الشــامخه في الشدايـد

حــــرب السيوف إن كان يالعايل اخطيت
سطواتهــم خلــــّــت إعداهم شـــــــــرايد

حــرب الكرم حــرب الحــرار الشفـاليت
حــرب العـرب والحــرب نــار ووقـــايد

حــرب الحصــون المحصنـه لا تعليـــت
حـــرب العطــا حــرب الفعول الحمـــايد

حـرب الأدب لا خذت في العِلم واعطيت
حــرب العقـــول الراجحــه بالفوايــــــــد

حــرب الأسـود الضـــــــاريه لا تهقويت
هقواتهم تزيـــد فـــــوق الــــــــــــــزوايد

حرب الجبــال إن كان عن حملك ازريت
يــــروح هـــم اللــــي نصـــــاهم بدايــــد

حـــرب أهل النخوه إذا اوحــــوك ناديت
يهون مــــــع وقفــــــــــــاتهم كل كــــايد

واطـــرف ولد لا جيـــت له قــــال حييت
ابشــــر بعــــزك واعتبرنــــي سنــــــايد

وفــي هامة النـــــايف بالامجــــاد عديت
وليّــه على صيـــد النـــوادر عوايـــــــــد

ومن صفوة الافكــار ياحــــــــرب مديت
مدة فخــــر ماهــــــــي بمدة زهايـــــــــد

وسلامتكم