ياجرح لاتمتحني ماقويت انساه!=موادعه دون ذنب ... بان تأثيره
عيني تراقب طيوفه من قبل تلقاه=و قلبي على كثر شوقه ضاع تفسيره
وحضني يتوق و ضلوعه تحتري لاماه=و روحي تناشد خفوقي عن مساييره
عزاه عن كل شي فِ خاطري عزاه=والـبـوح احيان ... ماتكفي تعابيره
اتوق اشتاق اسهر اتمنى ... آه !=انشهد ان المفـارق فضّـهـا سيره
بالأمس تارد معاليقي قبل لا ضماه=و اليوم وِرد المحبه ,, معتقه بيره
ماحدْ قلبي على كثر الذي قد جاه=الا غلا واحد"ن" ماشفت تقصيره
اليا طغت حــاتمـية حبه و ذكــراه=تاصل مواصيل ... و تغطي لها ديره
لا يحسب اني عقب حر البطا بنساه!=الشوق مشتاق .. و الغيره هي الغيره
دام انه بالقلب في وسطه وفي مثناه=بصبر واقول المفارق للـقـا ... خيره
مغليه وحبل الرجا في خاطري مقواه=دام المعاليق مآشلّـت حد"ن" غيره
ماني بناسيه وإلّي مُستحيل انساه=اقفايته دون مدري عن مشـاويره !