مجالس الفرده - قصيدة رد على من يسب خصيبه واهلها

مجالس الفرده (http://www.alfredah.net/forum/)

- مجلس فضاء الشعر (http://www.alfredah.net/forum/alfredah4/)

- - قصيدة رد على من يسب خصيبه واهلها (http://www.alfredah.net/forum/threads/alfredah38/)

قصيدة رد على من يسب خصيبه واهلها

هذه القصيده للشاعر /غنام بن حسين الفريدي (رحمه الله) رداً على كل من يسب خصيبه واهلها ويقول فيها :

يا لـلـي تـسـب وللـفـضـيـلات جـحــــاد
عـيـب ٍ عـلـيـك الســب عيبٍ ومـنقود

الـسـب مــايـقـبـل عـريـبـيـن الاجـــداد
اولاد راشد يوم طــــارد ومطـــرود

تشهد لـهـم صـــم الحــوافــر بالامجــاد
والسيف يشهد مع غلب حربة العود

حلـويـن لـلـصـاحـب وحـلـتـيـت الاكـباد
للي يبي في حقهم يــطــلب الزود

وإن صـوّتـو بـالـعـود والـخـيــــل وراد
مافيهم اللي يسنح الجمع بـصدود

قصيرهم يمشي عــلــى كــيــف مــاراد
يذري ذراهم من لجا فيه مضــهود

قــصــيــرهــم فـجـحـان فـارس وقصاد
مات الفراوي والمثل حي ماجـــود*

لــه قـصـة ٍ مـع ربـعـنا تـسـعد إسـعاد
علم ٍ صحيح وكل ماقلت مـاكــــود

وخـصـيـبـه يـامــر بـها عـقـب حـمـــاد
اللي على الشيخه لهم سبعة جدود

شيوخ الشيوخ اللي على ساس من غاد
يوم القبايل بـيـن حــاوي ومردود

ماهي سوالف مســـــرد ٍ يـوم يــنقــاد
إلـيـا انـطـلق بالسالفه ملح بارود

والصــدق يــظــهــر لو جـحد كل جحاد
عندي على مـاقلت برهان وشهـود

*الفراوي هو فجحان الفراوي المطيري جاور قبيلة الفرده في الزمن السابق
وكان معدم لايملك من حطام الدنيا شيء فجمعوا له رعية غنم واستمر معهم الى ان
اصبح ميسور الحال ثم سمع كلمه من احد جماعته وحزت في نفسه واستهل هذه القصيده :

قعـادٍ بــلــيا مال من خمدت الريح
وهرج ٍ بلا حصيل ياهملالــــــي

ياربعـنا رحـنــا نــدور المفاليــح
والعبد مايعلم بغيب الليالــــــي

رحنــا مع الربع الرمــاه الذوابيح
اولاد راشد من صعول الرجالــي

ياسعد منهم ربعتـه بالتــصــابيح
هدامة الجمع الكبير الموالـــــي

يتلون بن حماد شيخ المفاليـــــح
عقب حرار ٍ من قديم ٍ لتالــــــي

اللي خلط مع فرسته هبت الريــح
والخيل من حسه يجيها الجفالي

والقصيده اطول من ذلك