مجالس الفرده - يامزون السعاده فالخفوق امطري ..!!

مجالس الفرده (http://www.alfredah.net/forum/)

- مجلس فضاء الشعر (http://www.alfredah.net/forum/alfredah4/)

- - يامزون السعاده فالخفوق امطري ..!! (http://www.alfredah.net/forum/threads/alfredah37725/)

يامزون السعاده فالخفوق امطري ..!!

مـدخل ..

قفـى بك الحـظ , مايرحم ولا عـاده

واحـكم عليه الزوايا .. من عنـاقيـده. .

هزيــت غصـن الهـدب !! والعاده العـاده

ماطاح طـاح . وتبقـت لـي عنـاقيـده ....

سامر الحلم يافكري ,, وهاك المداد
وانثر الشعر لين يفوح به دفتري

دام الايام منفى / والاماني بلاد
اعتق البوح بلساني ,, وفي محجري

الورق ارض مزروعة شعر والحصاد
" نشوِه في عيوني" تكتب وتنقري

شاعرِ تهت ما بين السهر والرقاد
ما يموت الظلام , اللا يجيب خبري

كل ما طاحت جفوني يصيح السهاد
الليالي طويله وانت ( جرحك ثري )

جف صوتي / تعتب , وما بقالي رشاد
شاب وجه الصبر ياحظ / وش تحتري

امس اسولف مع صبري وكلي عناد
وكنت ساخط عليه وضايق ومزدري

قال : لا ترتبك وتخاف , كبوة جواد
قلت : واعدئي اللي سرهم منظري

[ كل يوم يخذلني شخص بين العباد ]
كيف لي وجه انادي , يا ظنون اعذري

يحترق في عيوني لين يصبح رماد
ويتناثر / وينزف جرحي المفتري

والله اني عجزت القى لجرحي ضماد
يا مزون السعاده , فالخفوق امطري

لا تلوموني الليا صار دمعي مداد
الشعر يشرح إحساسي وهو منبري

مـخرج

الشعـر بيني وبين متابعيـنه كلام

وبيني وبينكـ شعور ونظره شامـله ..

كـم بيـت .. مر مسامـعهم مرور الكـرام

وهو في ( قصـة حياة ) جروحـنا كـاملـه