دنياك لو تسوى من الحزن ذره=ماكان تاليها توابيت وقبور
وماكان للكافر بعمره مسره=وما شفت في ملكه ملايين وقصور
العمر يمضي بين حلوه ومره=والموت حق وقابض الروح مأمور
دام الحياة الفانيه مستقره=ورزقك يجيك وبين الأجواد مستور
لا تنشغل بالوقت برده وحره=واحذر تصير بقسمة الناس مقهور
وحكم القدر لاجاك خيره وشره=اشكر عظيم الشان والذنب مغفور
والمجلس اللي يزعجك لا تمره=خله تراك بشوفته منت مجبور
الرجل سقها في صحا صحيح بره=ومد النظر مابين ريضان وزهور
لا صار وجه القاع مافيه جره=والمشي حافي والثرى تو ممطور
ساعات صمت ما رآها مرضره=تسوى الكلام اللي به أذنوب وشرور
اطلق خيالك واترك النفس حره=وخل الطبيعة في حياتك لها دور
وبالليل لا بانت نجوم المجرة=اذكر بديع الخلق ب إحساس وشعور
واسجد لرب الكون مره ومـــره=واحفظ لسانك واترك الكذب والزور
وفروض ربك خلها مستمرة=وطاعتك لا يدخل بها نقص وقصور

قلتها واقولها
ابو الرجال لديك ذائقه شعريه فذه لاتضاها
صح لسان الشاعرولاهنت على النقل
تحيتي

المشاركة الأصلية كتبت بواسطة هابس العلوي (المشاركة 256834) الله الله هذا القصيد والا بلاااااااش مفردهـ ونصح وقافيه ووزن تفرض نفسها غصب .... اختيااار موفق اخي الغاااااالي خلك بالاختيااار من هذي وارقى .... مشكور مرتا اخرى تحياتي واحتراااامي ........

المشاركة الأصلية كتبت بواسطة ابوحمد (المشاركة 256853) ابو الرجال لديه ذائقه شعريه رااااائعه جداً عودنا دائماً على الابداع شكراً مليون

المشاركة الأصلية كتبت بواسطة غازى بن عجاب أبوزوايد (المشاركة 256865) قلتها واقولها ابو الرجال لديك ذائقه شعريه فذه لاتضاها صح لسان الشاعرولاهنت على النقل تحيتي