بيوت وسط الحشا .. وبيوت مكتوبه=مدام خيل القصايد جوها صافي
احيان بالهم والتفكير منكوبه=واحيان من غيّها تكشف لي الخافي
تبطي وهي عن مجال الشعر محجوبه=وترجع وتلقى بأثرها يبرم السافي
دوب الغلا فـ أوله ياصاحبي دوبه=ماامداني اخذ معك ( وقفه ومحرافي )
الغلطه اللي من الاحباب محسوبه=الاوله تنرفي .. والثانيه كافي
لو يرسل الود للخفاق مندوبه=مرسول من لايحفظ الود ينعافي
دام العلاقه من التقدير مسلوبه=لابد في يوم تكشف سترها الضافي
في تالي الوقت شان الحب واسلوبه=صارت دروبه لها تخطيط واهدافي
ينحر مباديه منهو يجهل دروبه=ويسيل دمه بداخل ( بيت عرافي )
اللي ينادي على الشاشات محبوبه=واللي بوسط البلد بلواه تنشافي
ماعاد ادور شفاة الروح من صوبه=نلقى بداله لــ ( هم القلب ) صرافي