بعض الرجال كـبار لـكـن مهابيـــــل ,,-¦-,, المـرجلــــة ماهيب بالكـبـر والمــــال


وبعض الرجــال اجسـام لكـن تماثيـــل ,,-¦-,,, جســم ٍ كـبيـــر وداخلـه قلب تمثــــال


يملى عيونك بالشكـل كـنه الفيــــل ,,-¦-,, ولاحـــان وقت الجد كـذبت الاشكال


ما ينفـعك وقـت الشقــــــا والغرابيــــل ,,-¦-,, ياليت تسلـــم من كلامـه والاقــوال


ومنهــو يـضــن إن المـظاهــــر دواليـــل ,,-¦-,, بـه ناس نقـص وتلبس شماغ وعقـال


والـــدلة اللي دون نــــــــار ومعاميــــــل ,,-¦-,, ماتسقـــي الخرمـــان لو ربع فنجـــال


وبعض الرجـــال يكيـد لك بالمحابيــل ,,-¦-,, يخفي بضحكه لك من الحقـد زلزال


الســـن ابيــض لكـن القلب كالليــــل ,,-¦-,, ماكل من يضحك معك يسعد الحال


ولولا الحسـد والبغـض والقــال والقيــل ,,-¦-,, كان العــرب صارت على قلب رجـــال


هذا كــــلام الحق من غيـــــر تبديـــــل ,,-¦-,, حبيت اقــول الصــدق والصـدق ينقـــال


ولـولا المواقـف ماعرفت الرجاجيــــــل ,,-¦-,, وكان استوى بالهرج خايب ورجال


مـــــــــــنــــــــــقـ ــــــــــــــــــول
لــــــــ الشيخ الــــشــــــــــاعر :~
مــــــــــــــــحـــــــ ـــــــــــــــــــمـــــ ـــــــــــــــد آل مــــــــــكـــــــــــــ تـــــــــــوم ...~