عسى هموم القلب ربي يزيلها=تخلي منازلها ويبعد رحيلها
ترحل ولا يبقى لها ساكن الحشاء=ومن عقبها الفرحات تنزل بديلها
تنزل على قلبٍ همومه تحاصره=بجيوشها ترجف وتصهل بخيلها
لولا الرجاء بالله كان أستحلت=وأستعمرت قلبي نهارها وليلها
لكن هزمها هازم الهم وأدبرت=فرّت وجرّت للهزيمه بذيلها
واللي بقاء منها بقايا قليله=الله يمحاها ويمحاء قليلها
يمحا همومٍ ما عرفنا حسابها=وأسبابها معروف داخل عليلها
أسبابها حب الشرف يأهل الشرف=حالي محبة خلها حل حيلها
ولا لوم روحي في محبة محبها=هاك الفتاه اللي غريبه بجيلها
بالخلق والأخلاق والعقل والحلا=تأخذ من أوصاف العذارى بجيلها
أوصافها بالبحر درة ثمينه=من دونها موج البحر من يجيلها
مصيونة عن لمس الأيادي بعيده=مستورةٍ عن كل عينٍ تخيلها
وأوصافها بالبر من قادة الظباء=هبّت لها الغربي وزادت جفيلها
ما ترتع إلا في رياضٍ خليه=تدري عن القنّاص قبل يحبيلها
ريحانةٍ بغصون خضرٍ تفرعت=بين الهضاب اللي يظلّل ظليلها
تشرق عليها الشمس في ساعة الضحى=ويمرها نبع الصفاء مع مسيلها
إن قلت أوصفها وصوفٍ تعددت=لوقلت مهما قلت مالقاء مثيلها

الشاعر ..
موسى بن عمران الرشيدي .

لاهنت
اخوي ذعذاع الشمال
على الذائقه الشعريه الفذه والاختيار الرائع
صح لسان الرشيدي ودام وجودك
تحيتي