مجالس الفرده - الناس لاموني وأنـا ماعلـي لـوم ..

الناس لاموني وأنـا ماعلـي لـوم
في حب عمهوج من البيض عفـرا
لو انها في مدة الفـرس والـروم
لعبت بقيصر وأسهرت عين كسـرا
يلومني مـن لاجفـاء عينـه النـوم
من لايجاذب دمعتـه كـل عصـرا
ماهو بمثلي من زمانيـن مضيـوم
ليل صويب وليل من ضمن الأسرا
أقرا مواضيع أمس وأكتب عن اليوم
وان حد نشدني قلت لا كتب ولا أقرا
حب النقاء راعيه بالصمـت ملـزوم
وأنا بحـال الحـب وأخبـاره أدرا
وجدي على اللي قربها غايتـي دوم
اللـي تلاوعنـي بصـد وهجـرا
الجادل اللـي حبهـا سـر مكتـوم
ورمـوز قصـه واقعيـة وذكـرا
في صمتها الراهب مواضيع وعلوم
تلهيك عن باقي المواضيع الأخرى
جمالها عند أجمل الخلـق معـدوم
وموصفه شمس على وصف بـدرا
مثل الهلال حجابها كنـه مرسـوم
والخد بـدر والجعـد ليـل غـدرا
والعين بحر عازل قوم مـن قـوم
لبسو السواد ومحتضيـن لمسـرا
وخاتم سليمان بـه الـدر مختـوم
وال... تقـول وقـاد جـمـرا
والعنق سلة هند في كـف زيـزوم
طلاب ثار صبح القـوم فجـرا
وعقد تلامع بـه قناديـل ونجـوم
وتفاحتيـن فـي بساتيـن خضـرا
ملهوفة السرجوف وال... مزموم
كنه يعـوذ فـالجدايـل ويبـرا
وال... بغدادي على الوصف مبروم
تصفق عليـه بكفهـا يـوم تـزرا !
خضابها يوصف على جيش مهزوم
قفـا وراياتـه مـع الـدم حمـرا
بالهون تتخطر على الدرب وتهـوم
مغـرورة طفلـه ثمـان وعشـرا
تقعد لها الدنيا على سـاق وتقـوم
وتميل معها ميـل شـراب خمـرا
تسيبك تستيسرك ترميـك بسهـوم
والجرح منها صايـب ليـس يبـرا
لو شافها اللي لا صـلاة ولاصـوم
رتل عليها سورة الشمـس جهـرا
هذا وأنـا هيمـان هايـم ومهمـوم
ولهان لا أتصبر ولا أطيق صبـرا

للشاعر / مهذل بن مهدي الصقور