سلام من راس ٍ تعـنالـك وجاك= ياللي لاجو من شانها قـاصدينـك
اللي ماهي ياهـونها .. ثـقـل .. ودراك= مانت ان وقـفت بوجـهها ياهـوينـك
امير من راسك لياحــد ماطاك= اقــولها لو مالـعرب جـاهـلـينـك
وامير امير امير غــصب ٍ عـلى اعـداك= من خـنـصر يسارك .. لخـنـصر يمـينـك
اجل مابوك اللي بشلـفاه فتاك= لاشجع أعداه .. يقول ويني .. ووينـك
واجل مابوك اللي بصوته لـياصاك= ترمي إفـلاها الخيل .. طالت سنينـك
واجل مابـوك اللي للاضعـان فـكاك= في ( د س ) طيره .. ينـصر الله دينـك
واجل مابـوك اللي لـياحـتجتـه اشفـاك= وحـمّـلك إياها دين .. واوفـيت دينـك
واجل ماهم عـلى يمينـك .. ويـسراك= اثـنينهم بالـطـيب متكانفـينـك
محـسن ابوك .. اللي من الطـيب غـذاك = وجدك صنيتان .. افـلـحـوا ناجـبـينـك
مادام هم اللي محـيـطـين بحـماك= كـمين طيبك .. واكـتـشفـنا كـمينـك
معـناه .. انا .. وكـلمة اجل .. لو كـتبناك= قـصيد .. من هالحـين متعـذرينـك
تتعب .. وانا اتعب .. ماحـصرنا مزاياك= ومزايا اهـلك اللي بها محـاصرينـك
ماقـلت لك .. كـلك من ادناك .. لاقـصاك= امير .. لو ماودهـم حـاسدينـك
تكرم عن الـكبـوه .. ويكرم ملحاك= ياحــصان .. ياللي باصلهم جـاذبينـك
مالك عن الطولات والـطيب مسلاك= مادامهم بالاصل متكاتفـينـك
منهم ورثت اللي من المجد كـفاك= ولا نسى خـشراك اللي به مخـاشرينـك
اخـوانك اللي تاج راسك بدنياك= ابوك ابوهم .. وانهـلو من معــينـك
يالمجـد .. صعـب .. ويتعـب الناس مرقـاك= لكن عيال الفرم متـقـاسمينـك
عاد انت .. يانايف تقف ماتعــداك= الله يافرز الوغا لايهـينـك
النخــوه اللي مالها غير تـنـصاك= وتـزينها مافيه شك .. وتـزينـك
بحـر ٍ عـطـاشا الـطـيب تارد عـلى ماك= ولاعـمرهـم راحوا وهم عايفـينـك
تزها مشاريه النشاما .. وتزهـاك= خابرك .. واللي جربـوا خـابـرينـك
ماتعـطي سمان المشاريه عـلباك= تنـطح بها راسك .. عــسى الله يعـينـك
يانايف اللي نايـفات ٍ سجـاياك= يانايف اللي نايف ٍ عن سنينـك
يانايف اللي لا ستـشاطـت حــمياك= يـضفي عـلى الدنيا شذى ياسمـينـك
وردت عـليك .. وهي رجـاها بحــسناك= شرهـة عــزيز ٍ ساقـها يستعــينـك
ناصيك .. ماجـيتك بهذا .. ولاذاك= عندي ثـقه تاتـحــطها وسط عـينـك
من زود ماني واثق ٍ كيف ابا القاك= كنـك تـقـول .. انت استـعـني .. واعـينـك
آثق بقدرّي .. عند مثلك .. وشرواك= اقـولها .. وانت تعرفـها بحــينـك ؟؟
لياصار حل .. وربط .. وضعي بيمناك = ما بغى لحد معروف بيني .. وبينـك
لـزومي أعـتبره من أصغــر عـطاياك= واول لـزومي .. واخره في يدينـك
كانت لنا .. هـدية ٍ من هـداياك= ولو ماصلها منك .. ولنا .. عاذرينـك
لاكن لنا .. وانته لنا اولك واتلاك= لظروف ميلات الدهر محـتسينـك
خلاني انخا الشعـر ينخـاك .. وانخاك= وأقبـل .. وقابل لك .. وأقبلّ جـبـينـك
حال اليتيم .. اللي بلا شك يخـفاك= ياللي لها .. ولغيرها ذاخـرينـك
حنا تركناها لـه .. ولـه تـركنـاك= ابو ٍ مكان ابو الولد حـاسبينـك
قـل تم .. واضف جلالها لاعـدمناك= طالبك .. يامعـطي طـلب طالـبـينـك
الله عنها باعـظم الاجر يجـزاك= والله يخــشر باجرها والـدينـك
والله لـفـعـل .. بما به الخير يـقـداك= وبالطاعه يعزك .. ويخذل قـرينـك
واسلم .. ودم .. ياللي من اقـصاك لادناك= امير .. لو ماودهم حـاسدينـك

صح لسان الشاعر
لافي بن حمود الغيداني
وابو نواف الامير نايف الفرم يستاهل المدح ولاهو
خافي على البعيد والقريب والشكر لك اخوي ذعذاع الشمال
على الايراد والاضافه الجزله
تحيتي