مجالس الفرده - قصيدة الشاعر حمود عبيد الدوسري مادحا فيصل بن بندر ابن بتلا

قصيدة الشاعر حمود عبيد الدوسري

ياهجوس الشعر للميقـاف عـودي=حضري للمعرفـه يدعيـك داعـي
من بحور الشعـر قـدام الـورودي=ماقفي يعرف وشربي من ذراعـي
اصخر الامثال واقدح مـن زنـودي=مركزي مابـه شقـاق ولانزاعـي
يعرف اسمي باول الشعب السعودي=للوطن مخلص وللاحـداث واعـي
افتخر والعود في عيـن الحسـودي=والـولا بالـدم يشـرا مايبـاعـي
والثنا واجب بـلا شـرط وقيـودي=مثـل مالدنيـا جعلهـا الله متاعـي
صوب من ترقا له العليـا سنـودي=نـادراً باعـه تعـدا كـل بـاعـي
فيصل اللي من ورى الهقوه يزودي=موقفه يعطي عن الطيب انطباعـي
ابن بتلاء مـن عريبيـن الجـدودي=بالثنائـي والثـلاثـي والربـاعـي
ذروة اهل المجد مايبغـى شهـودي=ومن جهل ينشد ويقنـع باقتناعـي
اسمهم مثل العلـم فـوق العمـودي=والقبيله حـرب بالاسـم الرباعـي
سادت(ن)تعرف وتخشاها الاسودي=كل جود(ن) في حميدين المساعـي
يوم صكات القنا عـود(ن) بعـودي=خيلهم تدعس على روس الافاعـي
حرب ضلع(ن)ماتهزه كـل نـودي=يمن الخايف وحصن (ن) للسباعـي
عند موجات الزوابـع والرعـودي=مايزيد الا شمـوخ(ن) وارتفاعـي
ان ركد زادت بـه الدنيـا ركـودي=وان تحرك ماركد فالكـون قاعـي
دام ابو بنـدر ومثلـه بالوجـودي=في بحور الشعر فليـت الشراعـي
جوهرالاشعـار قــدام النـقـودي=تذهـل الناقـد بحكمـه واطلاعـي
مانقصها بنـد مـن كـل البنـودي=وهكـذا رد الجـزا بالمـد صاعـي
من بنات الفكـر باقـات الـورودي=لك يابن بتلاء الشجاع ابن الشجاعي