قال الزغيبـي ون بدا نايـف الجـال=في راس عيطـا بعيـدٍ سهلـهـا
حـوّلت كنيّ من هل السّوق مكتـال=بضايـع متفـاختـاتٍ شكلـهـا
ياراكـبٍ حمـرا من الهجـن مرمـال=بنـت الاصيل اللي نسبها فحلهـا
حمـرا تـروّح بك ليا سـرّب الـلال=اليا زيّنت معـزا الجوازي دحلهـا
تنشـد عن المربـوث كسّـاب الأنفال=اللي مواجيـب الرجـال يحملهـا
ريـف الضيـوف وللمسايير مدهـال=وعوق السمين اللـي تساقا عدلهـا
فـي ربعـةٍ يفـرح بـها كل عيـال =مع دلـةٍ مايكـره اللـي دهلهـــــــا
ان كان جـوك البـدو للجـو نـزال=اليـا جنّبـوا خطـو الثنيـة نزلهـا
يابجـاد هـوّن لا تفـرط بـالامثـال=لاتجلـب السلعـة على غير اهلهـا
متحسفٍ بك عن بعض كثـر الاقـوال =والا الحمول ثقـال وانتـه جملهـا
والحـر مايناظـر جـرادٍ اليـا جـال=يصيد من جزل الجـوازي جزلـها
اشـوف بالدّنيــا تهاويـل واهـوال=اليا قلت تي تعقـل تزايـد جهلهـا
تزيـّنـت لـوجيـه نسـوان وارذال=وتشّينـت بـاللـي كـرام سبلـهـــا
صـدت عن الطّيب وشامت للأنـذال=من خوف يركبها الوعر عن سهلهـا