|
ماسمعت إن الخوي لـه بالخـوي تسعيـن زلّـه!! ماسمعت إن الخوي لـه بالخـوي تسعيـن زلّـه!! والله إني كنت ألوم اللي يضيـق إن غـاب خلّـه ليـن جرّبـت المحبـه والفـراق وقلـت توبـه لعنبو . جـد المفـارق فيـه هـم . وفيـه ذلّـه أثر كـل الحـب لـذه والفـراق أكبـر عيوبـه أمس . فارقـت الغـلا ومفـارق الخـلان علّـه والعـلاج الوصـل لاتبلـش طبيـب ولا حبوبـه الزعـل هـو سبّـة الفرقـا يهّـز الحـب كلّـه ليتنـي طولّـت بالـي قبـل لا يعلـن غـروبـه واهني اللي وسيع الصـدر صـدره وسـع فلّـه غلطة الصاحب تجي وتـروح ماهـي بمحسوبـه عارفٍ قـدره وقـدر اللـي يحبـه فـي محلّـه ذاك نفسه لا حشا ماهي علـي الحـب مغصوبـه سامـح الله طبعـي الـلـي للتغـيّـر يالعـلّـه قاضبٍ خلك عزيز . ولين صارت لـي عقوبـه ليش تحسب غلطة الصاحب علي الصاحب مذلّه ؟ ليش ماتحسـب ميانـه لوتجـي عشريـن نوبـه لا وربـي كنـت أحبـه حيـل مـادوّرت زلّـه لا تشكك في غـلاه . ولا تساعـد فـي هروبـه لايمـي . قبلـك تعبـت ألـوم شعـار المجـلّـه وكنت مؤمن في مقولة أعـذب الشعـر الكذوبـه وأثـر كّـلٍ فـي حياتـه لـه تجـارب مستقلّـه وأنت لا تشره علي . مثلي . وتبلا لـك بحوبـه كـان جابتـك الحميّـه روح لـه تكفـا وقـلّـه لا يخلينـي وإذا ودّه يخـفـف مــن ذنـوبـه يستخيـر ولـه غـلا قلـبٍ صـدوقٍ مـا يملّـه فدوةٍ له كـل قلبـي مـن شمالـه لـي جنوبـه يـوم قفّـا والخفـوق يفـوح عقبـه فـوح دلّـه وسط وقدة واحـدٍ عـزّ الشتـا والسهـر دوبـه لاتقهـوى . بـارده مـن بـرد فنجالـه وزلّـه ثم قرّبها علـي جـال الجمـر وأرهـى شبوبـه ويـن يدلـه هالخفـوق وكـل مايـدلـه يتـلّـه طاري اللي ياكثر ما أتعبت رجلـي فـي دروبـه لاطـرى . جريـت ونّـة مـن بـلاده مستحلّـه مثل ماراحـت بـلادي مـع شعـارات العروبـه كل هاجوسٍ يجيبـه جعـل شعـري فـدوةٍ لّـه وأعذابي . كل مـا جابـت لـي الجبلـه هبوبـه مشغـلٍ قلبـي بحبـه دون خلـق الله . مـن الله هيه . ياللي ممتلكني حسـن وأسلـوب وعذوبـه ماسمعت إن الخوي لـه بالخـوي تسعيـن زلّـه وأنـت طـوّف زلتـي ياعـل تفـداك اللعوبـه صاحبي سيف الهجر . لاصـرت تقـدر لاتسلّـه ماتظن العفو عنـد المقـدره أفضـل عقوبـه ؟؟ أيه أنا اللي كنت ألوم اللي يضيق إن غـاب خلّـه لين . جرّبت المحبـه والفـراق وقلـت توبـه لشاعر/ حمد السعيد مماراااااااااااااق لي:042::042: |
رد: ماسمعت إن الخوي لـه بالخـوي تسعيـن زلّـه!! الاخت تعاند لاهنتي وسلمتي على النقل الموفق صح لسان الشاعر ولي عتب لماذا لم يدون إسمه حفظ لحقوقه الادبيه |
رد: ماسمعت إن الخوي لـه بالخـوي تسعيـن زلّـه!! ياستاذي انا ناقلتها بدون اسم شاعر من منقولات لوكان فيه ذكرته اشكرك على المرور |
رد: ماسمعت إن الخوي لـه بالخـوي تسعيـن زلّـه!! رائعه من روائع الشاعر حمد السعيد شكر ا تعاند |
رد: ماسمعت إن الخوي لـه بالخـوي تسعيـن زلّـه!! اشكرك على المرور الرائع ريم |
رد: ماسمعت إن الخوي لـه بالخـوي تسعيـن زلّـه!! صــح لسـان ابـو خـالد(حمد السعيد) يعـطــــيــك العافيــه يالعنيـده ع النقـل |
رد: ماسمعت إن الخوي لـه بالخـوي تسعيـن زلّـه!! ويعطيك لله العافيه على المرور الرائع |
رد: ماسمعت إن الخوي لـه بالخـوي تسعيـن زلّـه!! تعاند لله درك على الاختيار الجزل دمتي بهذا الابداع |
رد: ماسمعت إن الخوي لـه بالخـوي تسعيـن زلّـه!! ابوحمد مرورك شرف لي اشكرك |
| الساعة الآن 06:51 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir