مجالس الفرده - قصيده مهداه لشيخ عائض بن لافي الشباك الحربي

على القواره نصـب نـوه تـنـاصـيـبـي
هذي القصيدة مهداه لشيخ عائض بن لافي الشباك الحربي من أخوه / عبدالجبار نابي العبيدي القحطاني

الطيـب يـا مـطيـبه يـا مــدور الطيبي = ومـاكل رجـلاً يـخـم الطيـب وينـوشــه
الطـيـب دونـه مــسافــات وعـواقـيـبي = ويـطيـشبه مــن جهل في عالم الطوشه
والـيـوم كـلاً يـقـول الطـيـب و العيبي = ولا يـفــرق الا بـفـعل بـانـت نــقـوشــه
يـالله و أنـا طالـبك وبــل مـصـابـيـبـي = يـرهي على ديرة أهل الطيب برشوشه
على القواره نصـب نـوه تـنـاصـيـبـي = في مـدلـهـم قـفـاه قـنـوف وتـحـوشــه
نـاضـت بـروقــه تـلاعــب بـتـلاعيـبـي = وهـل ليـن ارتـوت ضـمـياه وعـطـوشه
ديـرة شـجاعـاً تـجـمـل فـي الاجـانـيبي = و العـذر فعله بـطـيب النـفس وبشوشه
قــرماً تــعـلا عـلى عـالـي المـراقـيــبـي = في راس رجـمـاً تعــلا عـالــي عروشـــه
عائض سنـد مـن لفـاه و يشكي مصيبي = من عزوه تكـسـب الارهـان فـي الهوشه
مـن روس حـرب عـذاب الضـد تعذيبـي = لا مـا غـزاهـم عقـيـد راحـت جيوشــه
حمـو حـدود أرضــهم و الموقف صعيبي = في أيـام وقت الجهل والناس مربوشــه
كـم بنت شيـخ تشـق الثـوب و الجيبي = تنـعى عقـيـد خـذو راسـه مع بوشــه
وخــتـامهـا يـاسـلام الله بـتـرتــيــبي = لعائض ولـد لافي اللـي طـاب منبوشه
مـن روس حـرب وقـف لـجـل المواجيبي = مـاخـش راسـه مـن الماجوب في الكوشه
الشـبـاك مــن جـاه يـبـشر بالتراحيبي = و تـرحـيبة أهل الوفاء ماهي مخشوشه
وهــذا سـلام العـبـيـدي يـالمـنـاديـبـي = من هيض من هاضت القيفان من طوشه