تسللي في داخل اعماقي وسوي لك كمين = واصطادي القلب الذي ما كل بنتٍ تفهمه
يمكن إذا صدتيه من بعد اضطرابه يستكين=ويمكن تحرك قيمة الود وتزايد اسهمه
قلبي حنون ويشتهي رأفه ولمسه من حنين=كانك ذكيه فافهمي وارجو تكوني ملهمه
استوطني قلبٍ يهز أضلاع صدره بالونين=وفكي رموزٍ قبل اشوفك ما تفكْ ومبهمه
واستأصلي من داخله جرحٍ تلاقفه السنين=إذا غفى جرحٍ يجي جرحٍ جديد ويزهمه
الوصل غايه والمقابل فضل وانتي لو تجين =تلغين ساعاتٍ تجيني كل ليله مجهمه
هيا تعالي قلب واخذي قلب واخفيني بعين= تأسر فؤادي بالكحل ورموشها والسلهمه
يا طب قلبي عالجيه بطبه اللي تعرفين=لمسة كفوفك يا الغلا هي وصفته هي مرهمه
وارجوك بالوصل الندي يا الغاليه لا تبخلين=واروي عطاش قلوب من بعد المفارق منهمه
أنا نصيتك بالغلا والود وانتي تخبرين =إن الغلا من دون ما يشعر فؤادك يدهمه
مضمار حبي ما ركض به خيل وانتي تذكرين=إلا خيولك دايمٍ تلفي عليه مدرهمه

اخوى
الشاعر سعيد الغامدي
قصيده جميله من شاعر جزل أعجبت بها
أهلاً ومرحباً بك ولاتحرمنا من قصائدك الجميله الرائعه
تحيتي