![]() |
الصمت له عندي معزة وتقدير.. آلصمت له عندي معزّه ومقدار=في زحمة الافواه .. يا مزين الصمت لا صار بعض البوح عند البشر عار=لو يشتعل جوفي حشى ما تكلّمت تعبت من قولة : (علامك) و وش صار=وان طحت ما ألقى سوى كلمة (سلمت) واعذار اخلقها ولو مالي اعذار=مشّيتها مره .. ومرات ما رمت كذبة صباح الخير/ يا صبح الانوار=ذري ليا عدّت ليالي ولا نمت اسهر طوال الليل وضْيوفي افكار=واقول لاْصحابي : نعم توّني قمت ما عاد فيني ألفت عْيون واْنظار=يكفي بأني من زماني تعلّمت ان الصدر بيتــ ٍ.. وسكّانه اسرار=نيّام .. بس يصحون لامن تألّمت يصحون ويناظرهم الجار والمار=وش عاد ينفع سترهم لو تكتّمت آقدّم اقدامي على درب الاصرار=امشي ولكن للأسف ما تقدّمت النار قدامي .. ومن خلفي النار=والعمر يمضي بي وانا ما تولّمت الين ذاك الحلم في لحظه انهار=وانا مع لحظة سقوطه تحطّمت جروحي كثار..وتناهيدي كثار=لكن على كثر المواجع .. تبسّمت ثم أْلتزمت الصمت وعزومي اكبار=ولو يشتعل جوفي حشى ما تكلّمت تحيتي وتقديري ريـــــــــــــــــــــم |
رد: الصمت له عندي معزة وتقدير.. صح لسان الشاعر ولاهنت ريم يعطيك العافيه تحيتي |
رد: الصمت له عندي معزة وتقدير.. يعطيك العافيه على مرورك اخوي غازي |
رد: الصمت له عندي معزة وتقدير.. ما عاد فينـي ألفـت عْيـون واْنظـار يكفـي بأنـي مـن زمانـي تعلّمـت ان الصدر بيـتـٍ.. وسكّانـه اسـرار نيّام .. بس يصحـون لامـن تألّمـت يصحون ويناظرهـم الجـار والمـار وش عاد ينفـع سترهـم لـو تكتّمـت ريم لله درك على الاختيار والايراد |
رد: الصمت له عندي معزة وتقدير.. الله يسلمك ابو حمد ويسلم لنا مرورك الذوق لاهنت |
الساعة الآن 04:35 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir