ياصاحبي الدنيا حكايات وعلوم=قصص عجيبه تذهل اللي قراها
الدنيا لو تضحك معك دايم الدوم=خلك فطين ولايهمك رضاها
كم واحد تبنى له آمال وحلوم=يفنى وغيره يهتني في بناها
ياما أفرحت قوم وياماأحزنت قوم=وكم أعشقت عين وخانت غلاها
ياصاحبي شفت أمس شف حالنا اليوم=دنيا تقلب يكفــــي الله بـــلاها
اليوم لامنه بغت عيني النوم=تنكدت روحي وعافت كراها
ما كل من علا بالأصوات مفهوم=وماكل روح تلتقي في مــــناها
وماكل من يشكي معذب ومحروم=وماكل من يضحك همومه نساها
بحرالحياة إن صرت ماتعرف العوم=يـــرميك في غبه بعيده مــــداها
من راح يستسلم من أحزان وهموم=يموت حي وحاجته ماقضاها
واجه هبوب الوقت بإيمان وعزوم=لابد ما ربك يهـــدي هـــواها
وأصبر إذا شمسك حجب نورها غيوم=الغيم يتفرق ويشرق ســناها