|
فؤادي مثل سم الافاعي هذه قصيده للشاعر خالد بن عقاب الكسر المرشدي العتيبي ارجو ان تنال إعجابكم وإستحسانكم :- يا عيال يا مترحلين حثاحيث =خضع المقاود والمناكب وساعي بعضودهنه بان وسم الملاكيث =اسداس لافطر ولا هن زعاعي شعل بهن من فزت الريم تشقيث =يوم ادبحن مثل انزعاج السواعي تريضوا لا ريضتكم لوابيث =لما نقول بفالكم والوداعي اقدوا عن الدرب الوعر والشرابيث =واللي عليهن كل قرم شجاعي العصر من لينه شعوهن شواعيث =سمح الوطا عن كل سندا رفاعي ومروا اهل حايل رقود مماكيث =من قبل ديك الفجرالاول يعاعي ومصباحكم بين البيوت المثاليث =لابد يدعيكم على العرف داعي واليا نشدكم صاحبي قال من حيث =قولوا لها من غير كثرة نزاعي يازين صرتي بين دور وحراريث =يادرة باغلى ثمن ماتباعي يابو ثمان كن فيها العسل ديث =يبري عليلات القلوب الوجاعي ما طورقت بعيونها ( ....)=ولا وايقت باثر المقافي تراعي ولا سولفوا عنها العلوم الطراميث =وعنها السباع مجنبات جياعي والله لوني من ورى الطور والليث =ويحول من دونه ديار قطاعي ارجيه رجوى ممحل يرجي الغيث =وباقصى الضمائر شارع له رواعي عقبه يرج القلب مثل المحاريث =ويقلي فوادي مثل سم الافاعي وسلامتـــــــــــــــــــ ـــــكم |
رد: فؤادي مثل سم الافاعي ومصباحكم بين البيوت المثاليث لابد يدعيكم على العرف داعي واليا نشدكم صاحبي قال من حيث قولوا لها من غير كثرة نزاعي صح لسان الشاعر عقاب الكسر ولسانك ابوفيصل عودتنا دائماً على قول الجزل وايراده لاهنت |
رد: فؤادي مثل سم الافاعي تسلم ابو فيصل على هذه الاضافة وصح لسان من قال |
رد: فؤادي مثل سم الافاعي اقتباس:
اخوى ابو حمد الله يرحم خالد الكسر ولاهنت على المرور تحيتي |
رد: فؤادي مثل سم الافاعي صح الله السان الشاعر وشكرك ابو فيصل ع اختيارك الجزل والرائع تقبل مرررررروري |
رد: فؤادي مثل سم الافاعي اقتباس:
اخوى ابو الرجال شكراً لك المرور العطر لاهنت تحيتي |
رد: فؤادي مثل سم الافاعي اقتباس:
اخوى بن مطيع شكراً لك مرورك العاطر ولاهنت الغالي تحيتي |
| الساعة الآن 03:45 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir