تعودت قبل النوم بمداعب افكاري= اداعب هوى نفسي بشيٍ يسليني
انا اسج وادله عن هوى الزين واداري= وانا أخاف من هرج العواذل يوطيني
ويطلع علي الصبح وانا ماني بداري= وأحاول بنومي وادعي الله يهنيني
يصبح علي الترف ويتابع اخباري=والى جا المسى ارسل عليه يمسيني
الا ياغصين البان وش جابك لداري= تمهل ترى الاشواق متوهجه فيني
سهرت الليالي والسهر دوم سماري= عسى الله يفرج كربتي يوم تكويني
وعساني بقلبك طيب الذكر والطاري= وانا منيتي انك على خير تطريني
الا يالله انك تحفظ الزين يالباري= بصحه ومتعه مع حلاة النبا الزيني
تغادر دموعي موقها مثل الانهاري= وتجري على خدي ولا احدٍ يواسيني
ترى الحب ياهل الحب مثل النهر جاري=وانا حبها متدفقٍ فى شراييني
وانا اليا زعلت ازعل واقفي كما الساري=ورايي براسي وين مبغا يوديني