ياغـــــدار مالـــــك لا نهايــــه ولا مـــبدا غــــرام =ابشكي على الله وادعــي عند زمزم والحطيم
عسى ينتصف لي منك رب حما البيت الحرام =من الفيـــل واصــــحابه وانا اقول يالله ياكريم
انا عـــارف مبداك قبـل النهـــــــــــايه ياســــلام =حـــلاوة لســـانك لا تقــرب ولا تـــبعد حكـــيم
درستك دراسة جاهــــل ما يفيـــد به الكــــلام =ولا يصفي الـــعاقل وفي مهجته دعوا غشـيم
فلاكن سق سمحات الاقدام وارخلــها الزمــام =قبل ما تصيبك دعوة الظلم فالعظم الصــميم
ترا الحب يالمحبوب ما دام للنـــــاس العظـــام =ينبيك عن درب الهوى اللي يعرفه من قديم
حلاة الهوى جمع المحبين عنــــد الاحــــــترام =وانا خــابر لذة طـــيور الهوى لـــذة فطــــيم
وانا وان ذكـــرتك يابعـــد من خدوده ورد شــام =اصدر على الخدين دمعن مثــل دمع اليتيم
سبب لك محبــه ياملثــــم ويزهــــاك اللــــثام =احبك واحب ارض تضمك ومن فرقــاك اهيم
تخادع بعينن ماهوتها المــــــكاحل بالمنـــــام =وتعرض بخد كـــنه الـــبرق فاللـــيل الـــظليم
وتنصب بعود غظ واغـــظ من عــــود البــــشام =وتخزع بخصر هزه (......)والجســـــم العظيم
اوصفك وصفن فيك موجود والبسك الوســـام =وسام الجمال وتستـــحقه على حور النـــعيم
عليك الضمير يهز هـــــزات واخـــطر بالعــــدام =وانا اعوذ بالمعبود من كل شيطانن رجـــيم
اعذل على نفس نعــــم زرعها عنــــد الصرام =وادخل على فكرن كما الموج فالبحر الطميم
عسى من نسى عهد الصداقه بعد ولف الريام =تــــوريه لوعــــــات الليــــالي ولا يلقـــا نديم
يعــني عشاشيقه بكثـــر التصـــدد والخصــــام =يمدد لهم حبل الشقاوه وهو عنهم مقيــم
حملنا خطاه ندور رظــــاه وارســـلنا الحـــــمام =بسر القلوب العاطفيه ويدفعــــها النــــسيم

ايها الاخوه الافاضل
ابو حمد
نواف هلال
ابو الرجال
انار متصفحي بمروركم لاهنتم جميعاً
لكم جزيل التحايا