|
كذا يبينون الرجال الصادقين مـن الرخـوم ثقافة المهايط وحب الأناء ثقافة كثرة في هذا الزمان ونخدع بها الكثير ولكنها سرعان ماتنكشف لك ويتضح لك خافيها بكل مراره أنهم يشكلون نسبه كبيره في كثيراً من المجتمعات يصورها لنا الشاعر / بدر السبيعي ويعطيهم حقهم في جمال تعبيره وحسن اسلوبه وكمال وصفه الخوَه اللي تختلف مابين ليل وبيـن يـوم 00000000الله يبعدهـا ويبعـد ليلهـا مـع يومـهـا لاصار ماتبنى على زين العوايـد والسلـوم 000000يغنيك ربي عن عوايدها وشيـن سلومهـا خوة طليقين اليمانـي والرياجيـل القـروم 0000000تشفيك لامن الليالـي حضَـرت بهمومهـا اللي ليا منه بدالك يالسنافـي مـن لـزوم 000000تفزع معك فزعة رجالن ماتموت عزومهـا لاضاقت الدنيا عليك وبان للضيقـه رسـوم 00000من ضيقتك ضاقت عليهم يالشجيع هدومهـا وان كان عينك من غثا الدنيا تملل ماتنـوم 00000عندي ضمان عيونهم ماتهتني فـي نومهـا كذا يبينون الرجال الصادقين مـن الرخـوم 000000وكذا نعرف صقورها ياصاحبي من بومهـا حنا بلشنا في مهايط بعض بيضان الهـدوم 000000اللي يحطون السما في راحتـك ونجومهـا علومهم وقت الرخا ياحي هاذيـك العلـوم 0000000تقول ذولا من شياطين العـرب وقرومهـا وان لفَت الدنيا وحضَر وقت تشمير الكموم 0000000في ذمتي ذمه تضيـع افعالهـا وعلومهـا المرجله في كوم وافعال الخبل في وسط كوم 000000ماتجتمع واللي رفع سقف السما وغيومهـا عشنا على الدنيا ولاعاشوا رديين العـزوم 00000000اقولها والناس تفهمهـا حسـب مفهومهـا الشاعر / بدر السبيعي وتقبلو فائق أحترامي وتقدري الـــــذنيب |
رد: كذا يبينون الرجال الصادقين مـن الرخـوم الاخ الذنيب حياك الله وحيا اختيارك الحلو وننتظر منك الافضل دائما وسعداء بما تقدم اخي وننتظر الافضل واسمحلي انسخها وانزلها بتنسيق اخر من بعد اذنك مع ان المراقبين ماهم مقصرين بتنسيق وياليت لو يسمح وقتك وانا اخوك وتطلع على موضوع المراقب بقايا انسان حول نتسيق القصايد وتقبل الشكر والتقدير على مجهودك الطيب
الخوَه اللي تختلف مابين ليل وبيـن يـوم=الله يبعدهـا ويبعـد ليلهـا مـع يومـهـا لاصار ماتبنى على زين العوايـد والسلـوم=يغنيك ربي عن عوايدها وشيـن سلومهـا خوة طليقين اليمانـي والرياجيـل القـروم=تشفيك لامن الليالـي حضَـرت بهمومهـا اللي ليا منه بدالك يالسنافـي مـن لـزوم=تفزع معك فزعة رجالن ماتموت عزومهـا لاضاقت الدنيا عليك وبان للضيقـه رسـوم=من ضيقتك ضاقت عليهم يالشجيع هدومهـا وان كان عينك من غثا الدنيا تملل ماتنـوم=عندي ضمان عيونهم ماتهتني فـي نومهـا كذا يبينون الرجال الصادقين مـن الرخـوم=وكذا نعرف صقورها ياصاحبي من بومهـا حنا بلشنا في مهايط بعض بيضان الهـدوم=اللي يحطون السما في راحتـك ونجومهـا علومهم وقت الرخا ياحي هاذيـك العلـوم=تقول ذولا من شياطين العـرب وقرومهـا وان لفَت الدنيا وحضَر وقت تشمير الكموم=في ذمتي ذمه تضيـع افعالهـا وعلومهـا المرجله في كوم وافعال الخبل في وسط كوم=ماتجتمع واللي رفع سقف السما وغيومهـا عشنا على الدنيا ولاعاشوا رديين العـزوم=اقولها والناس تفهمهـا حسـب مفهومهـا |
رد: كذا يبينون الرجال الصادقين مـن الرخـوم صح لسان الشاعر السبيعي .. وسلمت على نقل القصيدة .. المهايط والمهايطة ياكثرها في هذا الزمن .. تجدها في كل مكان .. فأراى وجودها في مجالس الشعار بكثرة وفي وسائل العلام بكثرة .. لك الشكر الجزيل اخي الفاضل .. |
رد: كذا يبينون الرجال الصادقين مـن الرخـوم معلا العنيزان ياهلا ويامرحبا واشكرك على النتسيق ابن راشد أولاً احييك وارحب بك وثاني أما بنسبة للمهايط فيه بضاعه رديه كثر زبائنها في زماننا فلو تمعنت ياعزيز في وقتنا الحاضر لوجدة أنها لا يكاد يخلو مجلس من ؤلئلك المهايطيه فكثير ماننخدع بهم سويت وفعلت ورحت وجيت ( وهو مايكل من عمود الجراد ) يعني على ماقال راعي السالفه ( عندي وعشيك ) وعلى المحبه نلتقي الذنيب |
رد: كذا يبينون الرجال الصادقين مـن الرخـوم حنا بلشنا في مهايط بعض بيضان الهـدوم 000000اللي يحطون السما في راحتـك ونجومهـا بيض الله وجهك يالذنيب اختياراتك رائعة جدا ........ تنتقي بدقة ....... لتتحفنا بالجميل لك وافر الشكر على هذه الاختيارات الرائعة لاهنت يابن العم وصح لسان الشاعر |
رد: كذا يبينون الرجال الصادقين مـن الرخـوم اخوي الذنيب بيض الله وجهك قصيدة جميلة وصور رائعه احسنت الاختيار ايها المبدع ودائمآ تتحفنا بكل ماهو مميز تقبل شكري واعجابي بهذه القصيدة |
رد: كذا يبينون الرجال الصادقين مـن الرخـوم منصور الوسوس لقد اخجلت تواضعي بأطرائك الراقي وأن كان هناك بداع فهو حضورك المتألق دايماً . تقبل فائق حترامي وتقديري ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـ أبن منيديل أشكرك جزيل الشكر لاطرائك الذي أعتبره كتقليد وسام لي وحضورك متألق دايماً تقبل فائق حترامي وتقدير |
| الساعة الآن 07:20 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO TranZ By
Almuhajir