يـا صـاحبي ماني من الهـمّ مرتـاح=و القلب مـن بعض المواضـيع مجروح
ضـايق ولـوّ إنّـي مع النّاس مـزّاح=مـا ودّي أبـدي " ضيقة الصدر" و آبوح
أموت ما صحت بـ جروح الزمن آح =و أصـبر ولـوّ إنّـي من الجـرح مذبوح
أخـاف لا يـفطن من النـّاس لـمـّاح=و أخـاف ما يـدري عن الضـيق مملوح
أقـاوم جـراح " ن " وتـتعبني جراح=و أبني من الآمـال لـ أيـامي صـروح
وأقول : راح الهـمّ والهـمّ ما راح=ولا أدري من هموم الزمن وين أبـ آروح
وإن لاح دمـع العين بـ العين ما طاح =وإن طاح فـ افهمها مع طلعة الروح