في خفايا النفس لاضاق المشيل=وكتم صدر المعنى محتواه
لاقضى صبرك ولا عندك خليل=لاطواك الهم تبديه الشكاه
لاتوحَي الناس والعالم تميل=ما تعين المبتلا فيما ابتلاه
عد راس الرجم باليل الطويل=وجاوب الذيب المنادي في عواه
وقت بين الناس ما تلقى اصيل=وغابت الازوال وابواب الجفاه
ومابقالك حد يحفظلك جميل=وصارو الاصحاب من ضمن العداه
بادر بشكواك للرب الجليل=ناجي ألي يصلح لعبده خطاه
والعمر مقطوع ويجف الحصيل=ومن يحصل شي يستاهل جزاه