تدري وش اللي يقهر الرجال ويضره صحيح=ويضــايقه وقــــرب احزانــه ويبعد فرحــته
لجاء رفيق اوعاني اومعرفه اووجهن فــــليح=في بالــــه انك محــزمه من شبحته لشبحـته
ياشينها شيناه لن حديت مــن عينـــه تطـــيح=ودك تجمل به وتجبرك الظروف بكسـحته
يجي جريح من سهوم الـــوقت ويعود جـريح=خجلان كنه تحت ديم الارض والارض تحـته
والثانيه لجاء لزومك وانت في فراشك طريح=الجمس هذي وقفته والبـــاب هــذي فتحـــته
اغلى عيالك صدره من الـربو غادله فحــيح=في دار غرب وجار سربوتٍ يلاعب سبحته
مالك من افخم نوع جي ام سي ورده الجميح=الا بريقــه لاقــفــته الشـــمس ولا نطــــحته
والثالثه لاجاتك العوجى من الــوجه القــبيح=وبلشت في جبون ماتعرف مزحتـه من رزحته
عكر مزاجك وانت مستانس وبالك مستريح =وليته جمــل وتبركــه والاتحمــل رمـــحته
الثور مايسند لـوتضيق به الكـــون الفســيح=ولاتجمـــل ضــربته .ولاتجمـــل ذبحــــــته