يالوف عيني على اللي شافتـه عينـي=عقب العصر عنـد خيـاط البجاديـه
مزيونـةٍ لـو تطبـب فالمزاييـنـي=حازت على "المركـز الاول" بجديّـه
ياليتهـا لـو بعـد بكـره تناديـنـي=كان احسب حسـاب هاذيـه وهاذيـه
ياعنك ماتحسب حسـاب السلاطينـي=ولاحسّبـت للـدراهـم والرفاهـيـه
نجديـةٍ لاتخـاف ولابـهـا ديـنـي=مامثلها فـي جميـع الارض نجديـه
علميبها يوم جيـت وقلـت: عانينـي=قالت:واذا جيت مانـت محـركٍ فيـه
أحسن لك تـروح وتريّـح شياطينـي=ياهيه مالـي ومالـك واحسـن النيـه
قلت:اسمعينـي ولامنـك سمعتيـنـي=روحي عسى دربك اخضر يالسنافيـه
أنـا تـرانـي عتيبي..ماعرفتيـنـي=أمـووووت مامسّـك احـدٍ يالعتيبيـه
قالت:ونعمـيـن يـاهـرجٍ يخليـنـي=أقـوم وادق لـلـي قـالـه اتحـيـه
نعـمٍ بربعـك مرجّحـة الموازينـي=خوالي اهـل الشجاعـه والشهاميـه
لي الفخر فيك..واللـي بينـك وبينـي=أنـك عتيبـي وانـا فالـدار طرقيـه
قلت:ارحبي ياهواي وفرحـة سنينـي=وانا على الـدار مـارّ وداري شويـه
لكنـي امـون فـي دار الشجيعينـي=أهـل المواقيـف والعـزوه نفيعـيـه
يابنت من يوم شفتك قلت انـا وينـي=عطـاك ربـي جمـال وزود حنيـه
لايامـشالله عليـك وربـك يعيـنـي=زودٍعلى الزيـن بنـتٍ ذربـه وحيـه
الله يحميـك مـن عيـن الحسودينـي=وانـه يوفقنـي بمثـلـك سعـوديـه
قال:تبي شي ابمشـي ابـوي يبينـي=تو ّ اتصلبـي يقـول استعجلـي ليّـه
قلت:استري ماحصل قالت:على الزيني=ماصـار غيرالوفـاء لكـن وداعيـه
وراحت وانا ادعي عسى ماتلتفت فيني=والحمـدلله راحـت مانظـرت فيّـه
لأنهـا طاااهـره ماتقبـل الشيـنـي=بنتٍ هواهـا علـى السنـه شقرديـه
الله عطاها جمـال وعقـد عشرينـي=ماشفت زيـه ولانـي شايـفٍ زيـه
مزيـونـةٍ ماتضـيّـر بالملاييـنـي=حوريـةٍ جايـةٍ مـن بطـن حوريـه
لو شافها نايـب امريكـا دك تشينـي=صدّر من البيـت الابيـض للبجاديـه