أمس الضحى عديت رأس الطويله = فـي مرقـب فـوق المراقـيـب عـالـي
يشكي عليّ القلـب وأنـا اشتكـي له =والكـل منـا شـاف جـور الليـالـيٍ
القـلـب تـــاه وتـيّــه الله دلـيـلـه = يبـا طريـقٍ مـا بـه النـاس , خالـي
أشـيـل عــن قلـبـي حـمــولٍ ثقـيـلـه= واليـا نهيتـه قــال مـالـك ومـالـي
يقـول رجـلـي فــي هـواهـا دليـلـه =أبــا طـريـق الـنـاس يــا هـمـلالـي
وعالـجـت قلـبـي بالحـكـم والوسـيـلـه= وحطـيـت فـيـه محكـمـات الشـبـالـي
بـيـن الضـلـوع المغلـقـات بمشيـلـه = أخــاف لا يعـطـي طـريـق عـيـالـي
خوفـي عليـه مــن الخـطـأ والفشيـلـه = أبـيــه مـثــل مـكـرمـيـن الـسـبـالـي
يالله يــا منـشـي صــدوق المخـيـلـه= يـــا عـالــم بمـغـيـبـات الـلـيـالـي
مـا فيـه غيـرك واحــدٍ نلتـجـي لــه= ولا فيـه غيـرك واحــدٍ لــه نسـالـي
يا مخـرجٍ ذا النـون مـن وسـط هيلـه = أنبـت عليـه الشجـرة أم الضـلالـي
مـنـعّــمٍ فـيـهــا وفــوقــه ضـلـيـلــه= تحمـاه مـن لـفـح الـهـواء والرمـالـي
تفرج لمن يونـس مـن الوقـت ميلـه= ولا فيـه مخلـوق مـن العيـب خـالـي
لا جاه مـن خطـو الهزيـل الرذيلـه= الـلـي بتقـديـم الــردى مــا يبـالـي
نـدمــح ونـسـمــح شـيـمــةٍ للقـبـيـلـة = ونشيل هفوات الردي لأجل غالـي
المخطـيـه كـثـر الحـصـى مــن يشيـلـه= والصبـر مفتـاح الـفـرج والكمـالـي
وألا الردي ما قـط جـاب النفيلـه = والـيــا جـــاء بالـمـجـالـس يــلالــي
يـشـوف نفـسـه نـافـلٍ كــل حيـلـه =لـو كـان مـا يسـوى شـراك النعالـي
كــم مــرةٍ قــد شالـهـا فـــي شلـيـلـه = يذبـح ويصلـخ فـي بــراد الضـلالـي
وإن جاء اللازوم يصير مثل الحليله =لو إنها اصرف منـه فـي كـل حالـي
زنـوده كبـار ويــوم يمـشـي ثقيـلـه = ووجهه قضيف مثـل وجـه الشفالـي
خسـارة بعـض اللحـى ويـش هـي لـه = عـلـى كثـيـر الـنـاس والله وبـالــي
لـو بنـت عمـه تلبسـه ثـوب شيـلـه = وتلـبـس ثيـابـه كــان والله عـدالـي
عفـن الـردي يـا ناسعـات الجديلـه= حتيـش لــو منـكـن يجـيـب العيـالـي
نسلـه يجـي مثـلـه عـسـى الله يزيـلـه = الله يعـطـيـه الـفـنـاء والــزوالــي